Nyanra Njekawkulege 14:15 - Nouveau Testament en Gulay 2004

¹⁵ –Made jége, ké bain á i rai nyange ke titeke bè wa? Jè géa, jè doo ndul made sige tɔ. Tà ke maje á jè ree j’ile mber’n j’ade sei kade inyei go magege ke raikarè, ɔsi wan i teli ke ra Nube ke njèndi kumgajer. Nube ke njèndi kumgajer nga kuwe á unde danran se nang, se ba-bò kate a, se nyange malang ke tooi tutu a tɔ.

Nyanra Njekawkulege 14:15 ပူးပေါင်းရင်းမြစ်များ

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Jean 5:26

Titeke Bɔ Ngonn è ngire ndikumgajer nga, Ngonn’n géa è ngire ndikumgajer tite Bɔ’n bè tɔ.

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

Nyanra Njekawkulege 10:26

Nè Pierre ute’n dɔ ede nè: – In dɔ, tede man géa m’ee doo titi tɔ.

Nyanra Njekawkulege 13:32

Jè géa, j’ile mber Tà ke Maje nè nga j’ade sei: Ndukunn ke ndɔ ke Nube unn ade kà jéige nga,

Nyanra Njekawkulege 14:21

Paul se Barnabas ilei mber Tà ke Maje kêm ɓee-bò ke Derbe ade doobulege teli ei njétaakêm-Kristge. Go’t gugu, ei teli dè nja de’t awi kêm ɓee ke Lystre a, Icone a, taɓai Antioche a tɔ, kêm ɓeekon ke Pisidie.

Nyanra Njekawkulege 14:7

Paul se Barnabas ilei mber kêm ɓeege’t nè malang.

Nyanra Njekawkulege 16:30

E tee se de nata ɓaa, è deje de ede nè: – Ngarge le’m, ké ri á m’a m’ra gar-gar le kinge’n kaje wa?

Nyanra Njekawkulege 27:10

– Madege, man m’an titeke kaw ke j’à j’awi dann mann’t se bato nè nga, j’à j’awi karè nal kade nyange tuji lé. E bato se nyange ke kêmé á à tuji se kar de lé, nè danra jéi jèi kuwe géa asekum kudu tɔ.

Nyanra Njekawkulege 27:21

Jè ndi ase ndɔ bule anje kuse nyan. Paul in nda dɔ dann de’t ede de ede nè: – Hai! mademge, ke nè á ndɔ ke ooi tà tàm’t ɓaa, né j’à j’in-in dè goré loo ke Crète tá kade bato se nyange ke kêmé tuju’n bè lé.

Nyanra Njekawkulege 27:25

Gir’n ke nè á, mademge oréi tà si njak. M’um kêm bɔk-bɔk dè Nube’t titeke à ra nyan ke ede’m tà’n nè nga kuwe.

Nyanra Njekawkulege 4:24

Loo ke njé ke le de ooi tàge nè nga bè ɓaa, ei undei ndu de nan’t karé edi Nube edi nè: – Hei! Kuwe-ɓee, i ke i ra danran se nang se ba-bò kate se nyange malang ke tooi tutu.

Nyanra Njekawkulege 7:26

Barè lookar’n, Moise an ngakonnge ke ei Israelge kuwe joo mbak ndai à rɔi nan. E aw gɔr de ede nè: «Sei sei ngakon nange, ké bain á sei kuwe i ndai i rai nan majelé titeke bè wa?»

1 Nje Ke Corinthe 8:4

Ndɔ ke kété sei deji man edi nè: Ké j’ase kuse dan ke dé gugu’n magege nga wa? Jè ger maje titeke mage karé bè goto dè nang nè a, jè ger njai titeke Nube kuwe se kar’n bere luk-luk m Nube ke rang goto a tɔ.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

1 Nje Ke Thessalonique 1:9

Loo ke ndɔ ke j’aw ɓéee le si nga, sei uwei jè ke ra si’t. Sei turi gide si adi mage polége ɔsi wan i teli ke ra Nube’t tede le ra kule kade’n è Nube ke get ke njèndi kumgajer. Nyange nè malang ke ndɔ ke i rai nga, dooge à ɔdi nan kɔr ser’n ɓai.

1 Timothee 3:15

Ke nè á m’aw m’ingei kalang lé ɓai géa, magtub nè kuwe à tɔji rebe njiye dann njékem̂keige le Nube. Njékem̂keige le Nube ke njèndi kumgajer nga ei njékebe nange le’n; ei kage ngaw-dann kei ke gete ngarankum tà.

Hebreuge 3:12

Ngakonmge, undei kumkunju dè ra si’t le kade doo karé bè géa dann si’t ndi se kem̂ majelé éké kunn mbi dè tà’t tede kade ɓengre’n tel tur gide’n ade Nube ke njèndi kumgajer nga lé ta.

Jacques 5:17

Elie è doo ke è gar jéi jèi. E ɔje tà se Nube ade nunge tchanm tede kade ndi ede lé. Ɓaa, ndi oso nang ɗêin lé sár ɓal mute se nan mute-mute.

Lookilera’n 14:7

Doo ke danrán ke m’an’n nel bage nga tam tà se ndu’n ke bòi beng ede nè: «Ilei koje dè Nube’t a, ulei ndubra dènn’t a tɔ, tede kàde gangtà le’n nga tee ɓá. I ɗɔyi Nube ke njèkunde danran se nang a, ba-bò kate se ngire mannge ke an-in kutch-kutch a tɔ.»

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.

Lookilera’n 19:19

M’unn kum’m ɓaa, m’an dan se ngar-ɓeege ke dè nang nè ɔši nja njérɔge le de nan’t káng-káng le kawi kosoi rɔ ra è ke ndi dè sinde-gaglam’t se njérɔge le’n.

Lookilera’n 22:9

Nè è ede’m ede nè: «Ebe rai ra nyan titeke bè! Man m’ee ngonn njèkule madi a, m’ee njè made kule le ngakoin ke njéribe-dè-tàge ke tà Nube’t. Man m’ee njèmade kule le njé ke ngonmi tàge ke dé ndang kem̂ magtub’t nè sêw-sêw. Nube á maje kade i ɗɔi’n gar-gar!»

Lookilera’n 4:11

«Kuwe-ɓee Nube le jé, i asekum kinge ndubra se riɓar a, se tɔgmong a tɔ. E i kuwe á i njèkunde nyange malang. E se go kem̂ndige lei i kuwe á unde’n nyange malang ade tooi tutu.»