Nyanra Njekawkulege 14:1 - Nouveau Testament en Gulay 2004

¹ Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 14:1 ပူးပေါင်းရင်းမြစ်များ

Marc 7:26

Dinye nga è Grec, doo ke dɔ ke d’oje’n kêm ɓee ke Phénicie ɓeekon ke Syrie. E deje Jésu le kade rɔ ndil ke majelé kêm ngonn’n ke dinye’t kɔke.

Jean 12:20

Dooge reei kêm ɓee-bò ke Jérusalem loo ra nan’t tede le ɗɔi Nube. Grec ke nange ei se de tɔ.

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Nyanra Njekawkulege 11:21

Nube è der-gir njétaakêm-Kristge ade dooge bule ɔsi wan teli undei kêm de dè Kuwe-ɓee Jésu’t.

Nyanra Njekawkulege 13:43

Loo ke gir kebe nan gang ɓá ɓaa, Juipge ngain se njé ke ei Juipge lé ke ɗɔyi Nube ndoléi go Paul se Barnabas. Paul se Barnabas oji se de tà a, ndeji de le kade dé liger dè noje’t ke Nube uwe se de ke kété.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 13:5

Loo ke awi teei kêm ɓee ke Salamine ɓaa, ei ilei mber tà le Nube kêm kei kebe nange’t le Juipge kuwe kété. Jean-Marc aw se de le ra se de dè kule ke nange.

Nyanra Njekawkulege 13:51

Nè Paul se Barnabas gegi bubur ke nja de’t gág-gág umi dè’t ɓita ɔti awi kêm ɓee ke Icone ɓai.

Nyanra Njekawkulege 14:19

Nè mbɔr go’t gugu ɓaa, Juipge in-in kêm ɓee ke Antioche ɓeekon ke Pisidie, se kêm ɓee ke Icone reei umi tà kêm doobulege’t ade in-in tilei Paul se kuberi her mbàs-mbàs. Dé ndɔr’n d’aw se’n d’ile’n gide ɓee-bò’t nata. Dé gir kêm de’t d’ede nè è wei ɓá.

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nyanra Njekawkulege 14:21

Paul se Barnabas ilei mber Tà ke Maje kêm ɓee-bò ke Derbe ade doobulege teli ei njétaakêm-Kristge. Go’t gugu, ei teli dè nja de’t awi kêm ɓee ke Lystre a, Icone a, taɓai Antioche a tɔ, kêm ɓeekon ke Pisidie.

Nyanra Njekawkulege 16:1

Paul ree tee kêm ɓee-bòge ke Derbe se Lystre. An! njètaakêm-Krist karè bè ri’n nè Timothée ndi kêm ɓee-bò ke Lystre. E ngonn le dinye karé ke è Juip ke njètaakêm-Krist. Nè Timothée nga, bɔ’n è Grec.

Nyanra Njekawkulege 16:2

Njétaakêm-Kristge ke ndii kêm ɓeege ke Lystre se Icone nga ɔri go tà le’n maje.

Nyanra Njekawkulege 17:12

Dooge ngain dann de’t teli njétaakêm-Kristge. Dinyege ke ei njényan-kingege se konmolége a, se dingemge ase tà’t teli njétaakêm-Kristge tɔ.

Nyanra Njekawkulege 17:17

E ɔje tà se Juipge se njé ke ei Juipge lé ke ilei koje dè Nube’t kêm kei kebe nan’t. Se ndɔge malang, è ɔje tà se dooge ke inge de ndá-loo’t karè a tɔ.

Nyanra Njekawkulege 17:4

Njé ke nange dann Juipge’t ke kum de gang dè tà’t nè nga teli umi go Paul se Silas bɔk. Kos Grecge ke ilei koje dè Nube’t se dinyege ke njényan-kingege se konmolége ngain géa teli umi go Paul se Silas a tɔ.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 18:8

Nè né è bè géa, Crispus ngar dè kei kebe nan se njé ke kêm kei le’n bere mbak undei kêm de dè Kuwe-ɓee’t. Dooge ngain ke kêm ɓee-bò ke Corinthe ke uri mbi de ooi tà le Paul nga teli njétaakêm-Kristge ade d’ule de manné njonm.

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 19:17

Dooge malang ke ndii kêm ɓee-bò ke Ephèse, Juipge se njé ke ei Juipge lé geri nyan ke tee nè nga. Ɓel unde de ndàt gang de malang ade ilei riɓar dè ri Kuwe-ɓee Jésu’t.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 21:28

Juipge tami tà beng edi nè: – Sei ngannkà Israel ke dingem, i din-in jè! An-in! doo ke njè kaw se loo-loo ndó dooge nyan le kade utei jéi kosdooge le Nube se gute-ndu’n éké kêm kei le Nube mbeng nga á nda nè. Taɓai dooge ke ei Juipge lé géa ɔr de ree se de kêm kei ke tò se ninn’n le Nube ade telii ke nyan ke mine.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 10:12

Bè ɓaa, ɗarinè tò gai le Juipge se njé ke ei Juipge lé goto ta. Nube karé bere á è Kuwe-ɓee le de malang. Dooge malang ke ɓari ri’n nga, è uwe se de noje se nyanbawge.

Nje Ke Galatie 2:3

Tite è se’m. E nga è Juip lé nè doo unde tɔge dènn’t ade uje tà mɔte’n lé.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.