Nyanra Njekawkulege 13:6 - Nouveau Testament en Gulay 2004

⁶ Loo ke dé d’unde dè goré loo bere mbak dé gang d’aw sár dé tee kêm ɓee ke Paphos. Loo ɓee’t nè, d’inge dingem karé bè ke njè mbeli. Dingem nè nga ri’n nè Bar-Jésu. Doo nè girkoje’n è Juip nè è ra ra’n ke njèribe-dè-tà ke tà Nube’t.

Nyanra Njekawkulege 13:6 ပူးပေါင်းရင်းမြစ်များ

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 7:15

Undei kumkunju dè ra si’t ɔje dè njé tête tà kunde tà Nube’t. Ei rai ra de tite batege bè reei ra si’t. Nè kêm de ke kei ɓaa, ei heng-ge ke njé tɔ ko dooge.

Marc 10:46

Jésu se njékuwe-girnge a, se kosdoo-bulege reei teei kêm ɓee-bò ke Jéricho. Loo ke à unde loo le tee ɓaa, njèkumtɔ karé ke njèkɔ nyan ndi nang ngang rebe’t à kɔ nyan. Njèkumtɔ nè nga ri’n nè Bartimée, è ngonn le Timée.

Nyanra Njekawkulege 13:13

Paul se njémade-loo-kawge le’n in-in kêm ɓee ke Paphos ali kêm bato’t awi kêm ɓee ke Perge ɓeekon ke Pamphylie. Nè Jean-Marc inye de ɔse wan tel ree kêm ɓee-bò ke Jérusalem.

Nyanra Njekawkulege 13:8

Bar-Jésu ke njè mbeli nga ri’n karé ke rang ke se tà Grec è Elimas. E ute Barnabas se Saul mbeng tede è sang rebe le kɔge njèkonɓee kunde kêm’n dè Jésu’t.

2 Nje Ke Corinthe 11:13

Dooge nè nga ei njékawkulege ke lanm; ei rai ra de ke njékawkulege, nè kule ra de è kule libe kum dooge. Ei kuwe in-in se dè de teli ra de ke njékawkulege le Krist.

2 Timothee 3:8

Dooge nè nga utei ngarankum tà mbeng titeke ndɔ ke Jannès se Jambrès utei Moise mbeng nga tɔ. Dé dooge ke tàgir le de majelé a, kundekem̂ le de géa unde ɓalè a tɔ.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.