Nyanra Njekawkulege 13:5 - Nouveau Testament en Gulay 2004

⁵ Loo ke awi teei kêm ɓee ke Salamine ɓaa, ei ilei mber tà le Nube kêm kei kebe nange’t le Juipge kuwe kété. Jean-Marc aw se de le ra se de dè kule ke nange.

Nyanra Njekawkulege 13:5 ပူးပေါင်းရင်းမြစ်များ

Matthieu 20:26

Nè sei nga, gar-gar à è titeke bè dann si’t lé. Nanan ke ndige le k’ee ngawtà si ɓaa, maje kade tel ra’n ke ngonn njèkule le si.

Nyanra Njekawkulege 12:12

Pierre ger nyan ke tee dènn’t nga njai. E ɔte aw kêm kei le Marie kon Jean d’ile ri tɔyi’n nè Marc. Njétaakêm-Kristge bule kebi nan kêm kei le Marie ndii à ɔji tà se Nube.

Nyanra Njekawkulege 12:25

Loo ke Barnabas se Saul ɔri son kule le de kêm ɓee-bò ke Jérusalem ɓá ɓaa, ei teli reei kêm ɓee ke Antioche, ɓeekon ke Syrie gugu. Jean ke ri tɔyi’n nè Marc nga, Barnabas se Saul reei se’n ji de’t.

Nyanra Njekawkulege 13:14

Paul se Barnabas in-in Perge awi teei kêm ɓee-bò ke Antioche, ɓeekon ke Pisidie. Ndɔ taa kebe ɓaa, ei awi kêm kei kebe nan’t ndii nang le koo tà.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 14:1

Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 15:37

Barnabas ndige le kade Jean ke dé ɓar’n Marc aw se de nan’t.

Nyanra Njekawkulege 17:17

E ɔje tà se Juipge se njé ke ei Juipge lé ke ilei koje dè Nube’t kêm kei kebe nan’t. Se ndɔge malang, è ɔje tà se dooge ke inge de ndá-loo’t karè a tɔ.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 19:22

Paul ule njé ra sennge joo, Timothée se Eraste ade awi kêm ɓeekon ke Macédoine; nè è ɓaa tel ndi kêm ɓeekon ke Asie ade kò’n tò mbɔr.

Nyanra Njekawkulege 19:29

Dooge malang ke kêm ɓee-bò’t nè awi dè nan’t ngater-ngater, an-in ɗiriri reei loo ra nyan-tɔjege’t. D’uwe njémade-loo-kawge le Paul, Gaius se Aristarque dé ndɔr de ngander-ngander dé ree se de loo ra nyan-tɔjege’t nè nga. Gaius se Aristarque nga, ei dooge ke ɓeekon ke Macédoine.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nje Ke Colosses 4:10

Aristarque njèmade dangai le’m ei se Marc ngonn le ngokon Barnabas rai sei lapya tɔ. Marc nga ndɔ ke m’ede sei tàge ke ɔje dè’n kété ɓá. Ke nè á aw tee ra si’t ɓaa, uwei nin ke ra si’t se maje’n.

2 Timothee 4:11

Luc kuwe se kar’n luk-luk á nain se’m ɗarinè. Loo ke a i ree ɓaa, ade Marc ree sei nan’t tede è ra se’m ngain dè kule’t.