Nyanra Njekawkulege 13:49 - Nouveau Testament en Gulay 2004

⁴⁹ Tà le Kuwe-ɓee oso se loo mbit-mbit kêm ɓee-bò ke Antioche, ɓeekon ke Pisidie nga.

Nyanra Njekawkulege 13:49 ပူးပေါင်းရင်းမြစ်များ

Matthieu 9:31

Nè loo ke njékumtɔge ke joo nè undei loo teei ɓaa, mbɔr bè kuwe adi kɔbe Jésu oso se loo mbit-mbit kêm ɓeekon’t nè nga.

Nyanra Njekawkulege 12:24

Loo ke ngar Hérode wei ɓá ɓaa, tà le Nube ra tɔge ke kété-kété a, taa loo pel-pel a tɔ.

Nyanra Njekawkulege 13:12

Loo ke Sergius njèkonɓee an nyan ke tee dè Elimas’t nè nga bè ɓaa, è unde kêm’n dè Jésu’t tede ɓel ra’n ngain dè tɔgmong’t le nyan-ndó ke ɔje dè Kuwe-ɓee.

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 19:26

Nyan ke Paul ra nga, sei an-in se kum si a, ooi tà’n se mbi si a tɔ. E kêm ɓee-bò ke Ephèse nè á se kar’n lé, nè nain ngɔr kade è ɓeekon ke Asie bere mbak kuwe Paul nè nga um tà kêm doobulege’t ase tà’t ade teli ei lennge. Taɓai è tam titeke magege ke dooge rai de se ji de nga, ei magege lé.

Nyanra Njekawkulege 6:7

Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.

Nyanra Njekawkulege 9:42

Kɔbe nyan ke tee nè nga oso se loo mbit-mbit kêm ɓee ke Joppé ade dooge malang geri. Dooge ngain undei kêm de Kuwe-ɓee’t takul nyan nè nga.