Nyanra Njekawkulege 13:48 - Nouveau Testament en Gulay 2004

⁴⁸ Loo ke njé ke ei Juipge lé ooi tà le Paul bè ɓaa, ei rai ranel. Ei rai Kuwe-ɓee Nube oiyo tede tà le’n ke ooi. Dooge malang ke Nube uwe dè nja ndikumgajer se non ɔje’n dè de nga, teli ei njétaakêm-Kristge.

Nyanra Njekawkulege 13:48 ပူးပေါင်းရင်းမြစ်များ

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 28:16

Njékuwe-gir-Jésu ke dɔg-gidé-karé ɔti awi kêm ɓeekon ke Galilée dè mbal’t ke ndɔ ke Jésu unn ndu’n ade de le kade d’inge’n tutu nga.

Tà ke Maje ke Luc ndang 7:8

M’tam tà nè tede man nga géa, doo-dèmge ndii tutu. Nè man géa, man doo dè njérɔge tɔ. Ke nè á m’unn ndu’m m’ade è ke karé m’ede nè: «Aw» ɓaa, à aw. Ke nè á m’unn ndu’m m’ade è karé ke rang m’ede nè: «I ree» ɓaa, è ree kuwe tɔ. Ke nè á m’unn ndu’m m’ade ngonn njèndi le’m m’ede nè: «I ra nyan ke nè» ɓaa, è ra.

Jean 10:16

M’aw se batege ke rang ke ndai kêm gar’t nè nga lé ɓai. Dé nè nga, gar-gar è tà le kade m’ɔse nja de nan’t tɔ. D’a d’oo ndu’m, d’a dé kos batege ke karé luk-luk, njèkul de géa à è karé luk-luk a tɔ.

Jean 11:52

Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Nyanra Njekawkulege 13:12

Loo ke Sergius njèkonɓee an nyan ke tee dè Elimas’t nè nga bè ɓaa, è unde kêm’n dè Jésu’t tede ɓel ra’n ngain dè tɔgmong’t le nyan-ndó ke ɔje dè Kuwe-ɓee.

Nyanra Njekawkulege 13:42

Paul se Barnabas undei loo kêm kei kebe nan’t teei nata. Dé deje de le kade teli edi de tàge nè nga se ndɔ taa kebe ke à ree gugu.

Nyanra Njekawkulege 15:2

Paul se Barnabas ndigi se de dè tà’t nè nga lé a, naje se de tà ngain a tɔ. Gir’n ke nè á, d’ɔr’n Paul se Barnabas a, se njétaakêm-Kristge ke nange ke rang kade awi kêm ɓee-bò ke Jérusalem ingei njékawkulege se ngatɔgege ɔji se de tà dè tà’t nè nga.

Nyanra Njekawkulege 15:31

Loo ke njétaakêm-Kristge tutei magtub nè an-in ɓaa, ei rai ranel tede magtub nè ule dingem kêm de’t.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 20:13

Nè jè ɓaa j’al kêm bato’t j’aw kété kêm ɓee ke Assos. Nè loo nè nga gar-gar j’à tel kunn Paul tutu. E ɔje njáng titeke bè tede è unn ndu’n le kaw se rebe-kɔse.

Nyanra Njekawkulege 22:10

M’tel m’deje m’ede nè: «Kuwe-ɓee, ke ri á i ndige kade m’ra gar-gar wa?» Kuwe-ɓee tel ede’m ede nè: «Ɔse nang in aw Damas ɓaa, d’a d’edi nyange malang ke Nube unn’n ndu’n le kade i ra nga ɓai.»

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 8:8

Gir’n ke nè á dooge malang ke kêm ɓee-bò’t nè nga rai ranel ngain.

Nje Ke Rome 11:7

Ké tà nè nga gir’n è ri wa? Kosdooge ke Israel sangi le kade tà ɔr dè de’t non Nube’t, nè loo’n dum de. Nè né è bè géa, kalè dege ke ndêin bè ke Nube tɔr de á tà ɔr dè de’t. Gute kosdooge ke rang malang ɓaa unni mbi de dè tà’t le Nube,

Nje Ke Rome 13:1

Maje kade nanan géa ile koje dè ndukunnge’t le njékonɓeege ke d’unde de, tede gir konɓee ke nal kin ra Nube’t goto. Njékonɓeege ke d’unde de nga, è Nube kuwe á unde de.

Nje Ke Rome 8:28

Jè ger mbak titeke njé ke tári Nube nga, nyan malang ke ra de ɗarinè à tel maje dè de’t ndɔ ke rang ɓai. E Nube á ɓar de se go nyan ke è kuwe ɔje kété mari.

1 Nje Ke Corinthe 16:15

Ngakonmge, sei geri tite Stéphanas se njékêmkei le’n, ei kuwe ei njétaakêm-Kristge ke desêin kêm ɓeekon ke Achaie bere mbak. Taɓai, sei geri mbak titeke ulei ra de bàj dann kule ke ɔje dè ra se njétaakêm-Kristge.

Nje Ke Ephese 1:11

Takul’n è á j’inge’n gaje nyan-ndube ke ɔje dè jé tede Nube tɔr jè kété mari se go nyan ke è ɔje. Nube ra nyan malang ade aw loon’t deĵ se go nyan ke è ɔje se go kem̂ndige le’n.

Nje Ke Ephese 1:19

M’deje Nube ɓai le kade ade kum si gang dè tɔgmong le’n ke kile ke nata tede jéi jèi njétaakem̂-Kristge. Tɔgmong ke bò nè nga, è è ke ndɔ

Nje Ke Ephese 1:4

Nube tɔr jéi takul Jésu-Krist kété mari ɓita è unde nang nè ɓai. E tɔr jéi le kade jèi dooge le’n ke jè tooi se ninn jéi gai tàkumn’t a, le kade tà karé bè uwe dè jéi nonn’t dè tár ke è tár jèi’t nga lé a tɔ.

Nje Ke Ephese 1:5

Nube ɔje kem̂n’t kété mari le tel jéi ke ngann kem̂nge se go tár ke è tár jéi takul Jésu-Krist. E ke nè á è nyan-maje ke è ɔje kem̂n’t njáng se go kem̂ndige le’n.

2 Nje Ke Thessalonique 3:1

Ngakon jége, nyan ke nain ɓaa, ɔji tà se Nube tede jé le kade tà le Kuwe-ɓee an-in ngɔde kum’n ke kété-kété a, le kade unn banga ade d’ile’n riɓar dènn’t titeke ndɔ ke unn’n banga ɓéee le si nga bè tɔ.