Nyanra Njekawkulege 13:47 - Nouveau Testament en Gulay 2004

⁴⁷ Tede Kuwe-ɓee unn ndu’n ade jè titeke bè ede nè: «M’undei m’ade i lookar le dooge ke ei Juipge lé, le kade i unn tà kaje nè aw’n se loo-loo sár ɔse’n ngei nang bere mbak.»

Nyanra Njekawkulege 13:47 ပူးပေါင်းရင်းမြစ်များ

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Marc 16:15

Go’t gugu Jésu ede de ede nè: – Awi se loo malang dè nang nè, ilei mber Tà ke Maje adi dookundege bere mbak.

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 26:23

Njéribe-dè-tàge ke tà Nube’t se Moise nga, ndɔ ke tami edi nè: Krist nga, nyankêmkon à ra’n, è doo ke desêin sàk-sàk ke unde loo tee dann njé ke koo’t. Gar-gar à ile mber lookar kade kosdooge le jéi se njé ke rang.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.