Nyanra Njekawkulege 13:46 - Nouveau Testament en Gulay 2004

⁴⁶ Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 13:46 ပူးပေါင်းရင်းမြစ်များ

Matthieu 10:6

Nè è soo’t kade awi kum si ke ra batege ke kêm ɓeekon ke Israel nga kété ɓita.

Matthieu 21:41

Njékɔr non Juipge teli ilei Jésu dè’t edi nè: – E à unn kum’n mbeng le kade dé tɔl njékêmyêrge nè nga kɔke ɓaa, è à um kule ndɔr nduu nga ji njéra kule ndɔr nduuge ke rang. Dé nè nga loo ke nan kuje kann nduu ase deĵ ɓá ɓaa, d’a d’ade’n le’n ke ɔje dè’n.

Matthieu 21:43

Gir’n ke nè á, man m’ede sei ndàt, Konɓee le Nube nga d’a d’uwe wont taa ji si’t le kade girkoje dooge ke à adi nyan tee kɔde. [

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Jean 1:11

E ree ɓéee le njé ke le’n, nè njé ke lé’n uwei nin ke ra de’t lé.

Jean 4:22

Sei dooge ke Samarie nga, i ɗɔyi Nube i geri nin lé. Nè jè Juipge ɓaa, jè ɗɔi Nube ke jè ger’n tede kaje in ra jé jè Juipge’t.

Nyanra Njekawkulege 13:14

Paul se Barnabas in-in Perge awi teei kêm ɓee-bò ke Antioche, ɓeekon ke Pisidie. Ndɔ taa kebe ɓaa, ei awi kêm kei kebe nan’t ndii nang le koo tà.

Nyanra Njekawkulege 13:26

– Ngakonmge ke girkà’t le Abraham, sei ke sei Juipge lé ke i ɓeli Nube, ooi maje: Tà kaje nè nga Nube ule’n ade jèi malang.

Nyanra Njekawkulege 13:5

Loo ke awi teei kêm ɓee ke Salamine ɓaa, ei ilei mber tà le Nube kêm kei kebe nange’t le Juipge kuwe kété. Jean-Marc aw se de le ra se de dè kule ke nange.

Nyanra Njekawkulege 19:9

Nè njé ke nange ei njékêmnderge se njé kunn mbi dè tàge’t. Ei tami tà ke majelé dè rebe’t le Kuwe-ɓee tàkum doobulege’t. Paul ɔr ra’n ra de’t kɔke ɓaa, è ɔr kum njétaakêm-Kristge gai ɔje de tà se ndɔ karé-karé kêm kei ndó nyan’t le Tiranus.

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 26:20

Nè m’ile mber m’ade dooge ke ndii Damas pa ɓita, go’t gugu m’ile mber m’ade njé ke Jérusalem se Juipge malang a, se njé ke ei Juipge lé a tɔ. M’ede de m’ede nè: I turi hal si, ɔsi wan i teli ke ra Nube’t. I rai nyange ke uwe made nan se tur hal si.

Nyanra Njekawkulege 28:28

Ooi maje, tà kaje le Nube nga ule’n ade njé ke ei Juipge lé: ei ɓaa, uri mbi de ooi. [

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nyanra Njekawkulege 4:13

Loo ke njégangtàge an-in titeke Pierre se Jean ndai kêm de káng tami tà kum ngonn ke dingem ɓaa, tà ige de sêl, tede kété d’an de ke dooge ke raikarè ke geri magtub lé. Dé ger de ke njémade-loo-kawge le Jésu ke kété.

Nyanra Njekawkulege 7:51

Etienne tam tà se njégangtàge ede nè: – Sei njé dum nange se njékêmnderge se njé mbi koo tà lége. Sei teli sei njé kile rɔ kade Ndil-Kêmnda tite kà sige kuwe ɓai-ɓai.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 2:10

Nè dooge malang ke rai nyange ke maje nga, Nube à ade de ndubra a, riɓar a, kêmlom a tɔ. Nube à ade nyange nè nga Juipge kété pa ɓita à ade njé ke ei Juipge lé ɓai.

Nje Ke Philippes 1:14

Sulge ke m’ndii’n jim’t nga ule dingem kem̂ njétaakem̂-Kristge ke nange ade ilei mber Tà le Nube se kem̂nda anje ɓel nyan karé.

Hebreuge 11:34

E takul kundekem̂ á ndɔ ke ei tɔli por ke on bilm-bilm dè de’t a, teei tà yo kuye kaskar’t a tɔ. Ke nè á d’oso se ratur ke tò ɓel ngain géa, ra de tel tò karè a, dé gon rɔge ade dé yal njérɔge ke dè ɓeege ke rang karé-karé a tɔ.