Nyanra Njekawkulege 13:39 - Nouveau Testament en Gulay 2004

³⁹ Doo ke rara ke unde kêm’n dènn’t ɓaa, Nube à ɔr tà dènn’t kɔke.

Nyanra Njekawkulege 13:39 ပူးပေါင်းရင်းမြစ်များ

Tà ke Maje ke Luc ndang 10:25

Njèkɔrgir gute-ndu Nube karé bè ɔse nang in dɔ, unn tà deje Jésu an-in’n kêm’n ede nè: – Njèndó dooge nyan, ké ri á m’a ra ɗarinè le kinge’n ndikumgajer ke à tò se non nga wa?

Tà ke Maje ke Luc ndang 10:28

Jésu tel ede doo nè nga ede nè: – I tam è kum kuwe. Ke nè á i ra titeke bè ɓaa, a i ndi kumgajer sár se non.

Tà ke Maje ke Luc ndang 18:14

Man m’ede sei ndàt, loo naje’n goto, doo nè nga d’ɔr tà dènn’t pa ɓita tel aw kêm kei le’n ɓai. Nè Pharisien nè nga tà uwe dè’n. Nanan ke unde dè’n dɔ ɓaa, d’a d’ade dè’n à è nang, nanan ke ule dè’n ɓaa, d’a d’unn’n kunde’n dɔ ɗáng ɓai.

Jean 1:17

Nube ade jéi gute-ndu se rebe ke ra Moise’t, nè kêm-maje se ngarankum tà reei takul Jésu-Krist.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nje Ke Rome 10:10

Kunde ke j’undei ngarankêm jéi dè Nube’t á è ɔr’n tà dè jéi’t. Jè tami tà kundekêm le jéi se tà jéi ndàt á Nube aje’n jèi tɔ.

Nje Ke Rome 10:4

Krist è njè tɔl tà gute-ndu le Moise tede kade nanan ke unde kêm’n dè Jésu-Krist ɓaa, Nube à ɔr tà dènn’t.

Nje Ke Rome 3:19

Tàge malang ke gute-ndu tam nga, jè ger titeke è tam ɔje’n dè njé ke ndii gir gute-ndu’t. Doo karé à teen tà’n le tam’n tà dè rann’t lé. Dooge malang ke dè nang nè nga, tà uwe dè de non Nube’t.

Nje Ke Rome 3:20

Doo karé bè géa Nube à ɔr tà dènn’t tede ra ke è ra nyan ke gute-ndu ɔje nga lé. Gute-ndu tò tede tɔje doo kade ger titeke è njè ra majelé.

Nje Ke Rome 4:15

Kerɔte kuwe, gute-ndu nga tɔje wong le Nube ke nata. Loo ke gute-ndu goto tutu nga, kaltà tà gute-ndu’t géa goto tutu a tɔ.

Nje Ke Rome 4:24

nè dé ndang tà nè d’ɔje’n dè jéi jèi ke Nube ɔr tà dè jéi’t takul kêm jéi ke j’undei dè’n è ke njè kade Kuwe-ɓee le jéi Jésu unde loo tee dann njé ke koo’t nga.

Nje Ke Rome 5:1

Oiyo, Nube ɔr tà dè jéi’t se go kundekêm le jéi. Gir’n ke nè á jè ndii se’n se kêmlom ɗarinè takul Kuwe-ɓee le jéi Jésu-Krist.

Nje Ke Rome 5:20

Gute-ndu unde loo tee ade majelé in dè made’t ke kété-kété. Nè loo ke majelé in dè made’t ke kété-kété tutu nga, kêm-noje le Nube in dè made’t ke kété-kété tutu dum dè majelé.

Nje Ke Rome 5:9

Ɗarinè tà ɔr dè jéi’t ɓá takul mese’n. Taɓai Krist á ɔr jèi tà wong’t le Nube.

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

Nje Ke Rome 9:31

Kosdooge ke Israel ɓaa sangi le kade tà ɔr dè de’t takul gute-ndu, nè tà ɔr dè de’t non Nube’t ndan lé.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Galatie 2:16

Nè né è bè géa, jè ger maje titeke Nube ɔr tà dè doo’t se go kule rannge ke ɔje dè gute-ndu nga lé. Nè è ɔr tà dè doo’t se go kundekem̂ dè Jésu-Krist’t. Gir’n ke nè á jè Juipge géa, j’unde’n kem̂ jé dè Jésu-Krist’t le kade Nube ɔr’n tà dè jé’t takul kem̂ jé ke j’unde dè Jésu-Krist’t nga. Nube ɔr tà dè jé’t se go kule ra jége ke ɔje dè gute-ndu nga lé. Ḿ-m̀, Nube à ɔr tà dè doo karé’t se go kule rage ke ɔje dè gute-ndu nga lé.

Nje Ke Galatie 2:19

Gute-ndu ile’m tà yo’t ade ɗarinè m’ee yo-doo gir gute-ndu’t tede le tel ndi kumgajer tede le Nube ta. Man nga dé tɔl’m kade kage-ke-dese’t se Krist nan’t se non’m.

Nje Ke Galatie 3:8

Magtub ke tò se ninn’n ɔje loo’n kété ede nè: Nube ayé kɔr tà dè dooge ke ei Juipge lé takul kundekem̂ le de. Magtub ke tò se ninn’n nga ede Abraham Tà ke Maje nè nga kété ede nè: «Dooge malang ke ei Juipge lé nga, Nube à tɔr ndu’n dè de’t takuli i.»

Nje Ke Galatie 5:3

M’tel m’ede sei tà nè nga ndàt kuwe ɓai. Doo ke rara ke ade d’uje tà mɔte’n ɓaa, gar-gar à ra nyange ke gute-ndu ɔje nga bere mbak se ndɔ’n-ndɔ’n.

Hebreuge 10:11

Njèkuje nyan-mese ke rara géa nda ndêrm se ndɔ karé-karé tede ra kule tàkum Nube’t a, tede le kunn nyankuje-mesege kade’n a tɔ. Nè nyankuje-mesege nè nga asi kɔri kaiya dè dooge’t ndan lé.

Hebreuge 10:4

Kerɔte, mese bɔ mangege se ɓal binyege ase kɔr kaiyage kɔke ndan lé.

Hebreuge 7:19

Gute-ndu le Moise ase kade doo ra nyan ke maje ɔr njêt tàkum Nube’t lé. Nè ɗarinè Nube ade jèi nyan kundekem̂ tchên dè’t ke maje dum madege malang. Takul’n è á j’agi ngɔr ke ra Nube’t.