Nyanra Njekawkulege 13:36 - Nouveau Testament en Gulay 2004

³⁶ Loo ke ndɔ ke David ndi se dè’n dɔ ɓai nga, è ngonn njèndi le Nube. E ra nyan se go kêmndige le Nube. Nè è wei ade dé dubu’n dè ɓade kànnge’t d’ade danra’n jɔri pɔtɔk.

Nyanra Njekawkulege 13:36 ပူးပေါင်းရင်းမြစ်များ

Matthieu 25:16

Ngonn njèndi ke inge nar kule ke ndɔ aru mi nga, ɔte ke loon’t nè aw ndogo’n nyan tur gir ɓaa, è inge made aru mi dè’t.

Jean 11:39

Jésu ede de ede nè: – I ndubri kuberi her nè nga kɔke. Marthe kon nann njèyo Lazare ede Jésu ede nè: – Kuwe-ɓee, ninn Lazare in ndum ɓá tede ɓila ra ndɔ sɔ ta.

Nyanra Njekawkulege 13:22

Loo ke Nube sure Saul inye’n ɓaa, è ɔr ngar dènn’t ade David. Ngar David nga, Nube ɔrgo tà le’n ede nè: «Man m’inge David ngonn le Jessé. E doo ke m’tár’n dè ɓengrem’t. A ra nyan malang se go kêm ndige le’m.»

Nyanra Njekawkulege 2:29

Pierre tel tam ede nè: – Ngakonmge se kon nannemge, adi m’ede sei tà ke ɔje dè njèyo kà jéi David nga ndàt m’ade ooi. E wei ade ndɔ ke dé dubu’n. Dè ɓade’n tò dann jéi’t laa sár tee kêm ndɔ ke ɓila ɓai.

Nyanra Njekawkulege 20:27

Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nyanra Njekawkulege 7:60

E ɔse keje’n nang tam tà se ndu’n ke bòi ede nè: – Kuwe-ɓee, inye go ra majelé le de nè nga kɔke. Loo ke Etienne tam tà nè nga titeke bè ɓaa, tà’n tête nyonk.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.

1 Nje Ke Corinthe 15:18

Ke né á è bè ɓaa, njé ke umi nan’t bɔk se Krist ɓita weii nga, ei dooge ke tuji kɔke ɓá ta.

1 Nje Ke Corinthe 15:6

Taɓai, go’t gugu njétaakêm-Kristge aru mi an-in nin kade nan’t mbak. Njé ke nange bule dann de’t ndii kumgajer laa ɓai, nè njé ke nange á weii ɓá tɔ.

1 Nje Ke Thessalonique 4:13

Ngakon jége, tà ke ɔje dè dooge ke weii, jè ndige le kade i geri maje. Titeke bè á a i rai ra si ndoo tite dooge ke rang ke nyan kundekem̂ tchên dè’t le de goto nga lé.