Nyanra Njekawkulege 13:32 - Nouveau Testament en Gulay 2004

³² Jè géa, j’ile mber Tà ke Maje nè nga j’ade sei: Ndukunn ke ndɔ ke Nube unn ade kà jéige nga,

Nyanra Njekawkulege 13:32 ပူးပေါင်းရင်းမြစ်များ

Tà ke Maje ke Luc ndang 1:19

Doo ke danrán ke Kuwe-ɓee ule’n nga tel ile Zacharie dè’t ede nè: – Man m’ee Gabriel ke njè nda non Nube’t se ndɔge-ndɔge. E Nube kuwe á ule’m rai’t le kade m’ɔje sei tà a, le kade m’ile mber Tà ke Maje nè nga m’adi a tɔ.

Tà ke Maje ke Luc ndang 2:10

Nè doo ke danrán nè nga, ede de ede nè: – Ebi ra si ɓel, tede m’ree le kede sei Tà ke Maje. Tà ke maje nè nga è gir kalra le kosdooge malang ke Israel.

Nyanra Njekawkulege 10:36

Jésu-Krist nga, è Kuwe-ɓee le Juipge se dooge ke rang malang. E è kuwe á ndɔ ke Nube ule’n ra kosdooge ke Israel ade ile mber Tà ke Maje le kêmlom ade de.

Nyanra Njekawkulege 13:23

Ndɔ ke Nube unn ndu’n le kade Israelge njèkaje de. E ɔr Jésu njèkaje de nga girkà’t le ngar David.

Nyanra Njekawkulege 13:38

Ngakonmge, maje kade i geri tà ke j’ede sei nè nga maje: gute-ndu le Moise asekum kɔr tà dè si’t ndan lé. Nè ɓila j’ile mber kêm tin mbit dè kaiya’t j’ade sei takul Jésu nga.

Nyanra Njekawkulege 14:15

–Made jége, ké bain á i rai nyange ke titeke bè wa? Jè géa, jè doo ndul made sige tɔ. Tà ke maje á jè ree j’ile mber’n j’ade sei kade inyei go magege ke raikarè, ɔsi wan i teli ke ra Nube ke njèndi kumgajer. Nube ke njèndi kumgajer nga kuwe á unde danran se nang, se ba-bò kate a, se nyange malang ke tooi tutu a tɔ.

Nyanra Njekawkulege 26:6

Ɗarinè, m’nda loo gangtà’t tede kunde ke m’unde kêm’m dè ndukunn ke Nube unn ade kà jéige kété nga.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 5:42

Se ndɔ karé-karé malang, njékawkulege ebi ra de dè ndó nyan dooge éké kile mber Tà ke Maje le Jésu-Krist nga lé. Dé ra titeke bè kêm kei le Nube a, se kêm kei-kei a tɔ.

Nje Ke Rome 1:2

Tà ke Maje nè nga Nube unn’n ndu’n kété mari ade njéribe-dè-tàge ke tànn’t titeke dé ndang’n tà’n kêm Magtubge ke tooi se ninn de.

Nje Ke Rome 10:15

Ke nè á d’ɔr dooge d’ule de lé ɓaa, ké à ilei mber Tà ke Maje nga titeke bain wa? Magtub ke tò se ninn’n tam ede nè: «Kan njékile mber Tà ke Maje loo njiye’t, è nyan ke maje dum: nja de mong nang tchai.»

Nje Ke Rome 4:13

Ndɔ ke Nube unn ndu’n ade Abraham se ngannkànnge titeke à ingei dè nang nè bere mbak ke nyan-ndube le de. Abraham inge kunn-ndu nè nga bè tede kan ke è an dè gute-ndu sêw-sêw lé, nè tede kɔr ke Nube ɔr tà dènn’t takul kundekêm le’n.

Nje Ke Rome 9:4

Dé nè nga, dé dooge ke ndɔ ke Nube tel de ke ngann’n. D’an ndubra le’n se kum de a, è mann ra’n ade de a, è ade de gute-ndu’n a, inye loo ade dé ra kule d’ade’n a, è unn ndu’n ade de a tɔ.