Nè ndɔ ke njèkon’t mute ɓaa, Nube ade unde loo tee dann njé ke koo’t tel ndi kumgajer. Loo ke è unde loo tee dann njé ke koo’t nga, kosdooge malang an-in nin lé.
è ra nyan’n ade jèi ngannkà dege ɗarinè. E ade Jésu unde loo tee loo yo se go tà ke dé ndang kêm magtub Pa ke njèkon’t joo ede nè: «I i Ngonn’m, ɓila man m’oji.»
Nube ade Jésu unde loo tee dann njé ke koo’t. Danra’n à tel jɔri pɔtɔk be-ɓade’t ndan lé. Ndɔ ke Nube tam kété ede nè: «Nyan ke ndɔ ke m’unn’n ndu’m le kade David nga, m’a made sei. E ngarankum nyan ke tò se ninn’n.»
E ɔje ndɔ karé ke le gang’n tà se dè naje’n dè dooge malang ke ndii dè nang nè. Nube ɔr doo karé unde’n ke njègangtà ɓá. Doo nè nga, Nube ade unde loo tee dann njé ke koo’t tede kade dooge malang undei kêm de dènn’t.
Nè Nube ɔr Jésu ke Nazareth dann nyankêmkonge’t le yo ade unde loo tee dann njé ke koo’t. Titeke bè á yo asekum kuwe’n nang gan-gan se go tɔgmong le’n lé.
Jésu nè ke man m’ede sei tà le’n nga, Nube ade unde loo tee dann njé ke koo’t. Jéi malang j’ooi tà kunde loo tee le’n dann njé ke koo’t nga se mbi jéi.
Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.
Sei tɔli Ngar ke njè kade dooge ndii kumgajer se non nga, nè Nube ade unde loo tee dann njé ke koo’t. Jésu ke Nube ade unde loo tee dann njé ke koo’t nga, jè j’an’n se kum jé a, j’oo tàge le’n se mbi jé a tɔ.
Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.
Maje kade sei a, kosdooge ke Israel malang a tɔ, i geri tà nè maje. Jésu-Krist ke Nazareth nga sei ɓeri kàde kage-ke-dese’t, nè Nube ade unde loo tee dann njé ke koo’t. Takul ri’n á ɓila doo nè nda mong’n ɗaj-ɗaj tàkum si’t malang.
Nube ke njè kade jèi kem̂lom, è ade Kuwe-ɓee le jéi Jésu unde loo tee dann njé ke koo’t. Nube ɔr’n unde’n ke maw njèkul batege. Jésu unde gir mann-ra ke à tò sár se non se mese’n è kuwe.