Nyanra Njekawkulege 13:27 - Nouveau Testament en Gulay 2004

²⁷ Tede dooge ke ndii kêm ɓee-bò ke Jérusalem se njékɔr non dege giri titeke Jésu è njèkaje dooge lé. Magtubge le njéribe-dè-tàge ke tà Nube’t ke dé tute se ndɔ taa kebege karé-karé malang nga géa, dé ger gir lé a tɔ. Dé gangtà dè Jésu’t d’ade tàge ke tooi kêm magtubge’t le njéribe-dè-tàge ke tà Nube’t aw loon’t deĵ.

Nyanra Njekawkulege 13:27 ပူးပေါင်းရင်းမြစ်များ

Matthieu 22:29

Jésu tel ile de dè’t ede nè: – Sei ndemi uri walé ɓá ta, tede sei geri magtubge ke tooi se ninn de nga lé a, tɔgmong le Nube géa sei geri lé a mbak.

Tà ke Maje ke Luc ndang 22:34

Jésu ede Pierre ede nè: – Pierre, man m’edi ndàt, ɓila dann ndɔɔ nè kuwe kété ɓita kade kuren kunje non kɔkerɔ kon ɓaa, a i naje se rai dèm’t ase nja mute kede nè i ger’m lé.

Tà ke Maje ke Luc ndang 23:13

Pilate ɓar maw njékuje nyan-mesege se njékɔr non dooge a, se kosdooge a tɔ, ɔse nja de nan’t.

Tà ke Maje ke Luc ndang 24:20

Nè maw njékuje nyan-mesege se njékɔr non jéige d’uwe’n d’ule’n ji Pilate’t ade gangtà yo dènn’t a, adi njérɔge ɓerii kàde kage-ke-dese’t a tɔ.

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Jean 8:28

Jésu tel ede de ede nè: – Loo ke ndɔn’t a i ɓeri Ngonn doo dɔ kàde kage-ke-dese’t pa ɓita a i geri titeke man nga m’ee Krist. Kêm ndɔn’t nè tá a i geri titeke man kuwe m’in se dè’m m’ra nyan karé lé, nè nyange ke Bɔ’m ndó’m á m’tam tà’n m’ede sei.

Nyanra Njekawkulege 15:21

Unn gir kété mari nga, dooge ilei mber gute-ndu le Moise kêm ɓee-bòge karé-karé malang a, dé tute gute-ndu le Moise kêm kei kebe nange’t se ndɔ taa kebege karé-karé malang a tɔ.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 3:17

Ngakonmge, man m’ger mbak titeke nyan ke sei se ngar-ɓeege le si i rai ɗarinè nga, i rai dè mbe’t karè.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

1 Nje Ke Corinthe 2:8

Kumkunju le Nube nga, doo karé bè dann njékonɓeege ke ndii dè nang nè ke ger’n goto. Ke nè á ndɔ ke njékonɓeege ke ndii dè nang nè geri nin ɓaa, né à adi d’ade ɓer Kuwe-ɓee ke njè ndubra kàde kage-ke-dese’t lé.

2 Nje Ke Corinthe 3:14

Nè ngann Israelge nga, tàgirge le de teli tugei ndul bigm kuwe ɓai. Sár tee ɓila, loo ke d’ade tute magtub mann-ra ke mari nga ɓaa, tà kubu nè nga ɔr kum de’t lé kuwe ɓai-ɓai. Doo ke um nan’t bɔk se Krist ɓita tà kubu nè ɔr kumn’t oso nang ɓai.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

1 Timothee 1:13

Man nga, kété m’ee njè kile rasɔl dè rinn’t a, m’ee njè kɔr’n kororoi se njè taje’n a tɔ. Nè Nube ra se’m kem̂kanm tede nyan ke m’ra kété nga, m’ra dè mbe’t nal kundekem̂ dè Krist’t.