Doobulege ke njiyei non Jésu’t kété a, se njé ke njiyei goon’t a tɔ rai nyan beng-beng edi nè: – Maje kade dè mong kang-kang nain se Ngonnkà David. E ke ree se ri Kuwe-ɓee nga, maje kade ndutɔr nain se’n. Njèndi sêm danran’t nga, maje kade dè’n mong kang-kang.»
Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.
Nè David nga kété è njèribe-dè-tà ke tà Nube’t. E ger titeke Nube mann ra’n ade’n kété ede nè: «M’a m’ɔr ngonnkài karé ke kêmi’t dann ngannkàige’t kade ndi kutu-ngar’t lei.»
Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.
Kêm ndɔn’t nè ɓita kosdooge malang ke Israel à ingei kaje titeke dé ndang’n kêm Magtub’t d’ede nè: «Njè taa dè dooge à in kêm ɓee-bò ke Sion le ree. A ade ngannkà Jacob à teli kilei koje dè Nube’t.
Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.
Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.
Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.
M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.
Nube le jéi karé bere ke Njèkaje jèi takul Kuwe-ɓee le jéi Jésu-Krist nga, maje kade ndubra se riɓar, se tɔgmong konɓee ei le’n sár se non. Maje kade è titeke bè kuwe.
Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»