Nyanra Njekawkulege 13:2 - Nouveau Testament en Gulay 2004

² Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 13:2 ပူးပေါင်းရင်းမြစ်များ

Matthieu 17:21

Nè ndil ke majelé ke tite è ke nè nga, ke nè á ɔgi kêm si ɓo ɔji tà se Nube lé ɓaa, sei asikum rɔ nin kɔke lé.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Matthieu 9:38

Bè ɓaa, ɔji tà se Kuwe-ɓee ke njè ko le kade ule njé sa koge loo sa ko’t le’n.

Tà ke Maje ke Luc ndang 10:1

Go’t gugu, Kuwe-ɓee ɔr njékuwe-girnge ke rang kɔr-ji sejimute-gidé-joo ule de joo-joo nonn’t kété kêm ɓee-bòge se kêm ɓeege malang ke ndi à aw ke tutu ɓai nga.

Tà ke Maje ke Luc ndang 2:37

Loo ke ngaw’n wei ɓaa, è tel taa ngaw gugu lé sár ade ɓal koje’n ase’n kɔr-sɔsɔ-gidé-sɔ. Anne ra kule ade Nube se ndɔge malang. Gir’n ke nè á è inye’n kêm kei le Nube sengel lé. E ɔge kêm’n ɓo dɔ-dɔ tede ndinge’n ndoo tà Nube’t kada a, ndɔ a tɔ.

Nyanra Njekawkulege 10:19

Pierre ndi à girtà dè nyanpinde’t nè nga ɓai. Ndil-Kêmnda ede’n ede nè: – An! dingemge mute à sangi nin.

Nyanra Njekawkulege 10:30

Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Nyanra Njekawkulege 13:3

D’ɔge kêm de ɓo a, d’an-in mann lé a tɔ d’ɔje’n tà se Nube kuwe ɓai. Go’t gugu, d’unde ji de dè’t ɓita d’inye de d’ade ɔti awi ɓai.

Nyanra Njekawkulege 13:4

Ndil-Kêmnda ule Barnabas se Saul ade awi kêm ɓee-bò ke Séleucie. Taɓai ei ndai ke loon’t nè ali kêm bato’t awi kum de ke Chypre.

Nyanra Njekawkulege 14:26

Paul se Barnabas ndai loon’t nè ali kêm bato’t teli wan reei kêm ɓee-bò ke Antioche, ɓeekon ke Syrie gugu. Antioche nè nga, è loo ke ndɔ ke kété d’um’n de ji Nube’t kade an dè de ɔje’n dè kule ke d’ɔr son’n ɗarinè nga.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 4:36

Titeke bè á Joseph, ke njékawkulege ilei ri tɔyi’n nè Barnabas aw se loo ndɔr le’n. Barnabas nga tel se tà koje jéi ɓaa, è «Ngonn Njèkule dingem kêm madennge’t.» Joseph nga è girkà le Lévi njèkuje nyan-mese. Ɓee koje’n è Chypre.

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.

Nyanra Njekawkulege 8:29

Ndil-Kêmnda ede Philippe ede nè: – Aw ngɔr ke kàde wotro rɔ ke ra se nar nè nga.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 10:15

Ke nè á d’ɔr dooge d’ule de lé ɓaa, ké à ilei mber Tà ke Maje nga titeke bain wa? Magtub ke tò se ninn’n tam ede nè: «Kan njékile mber Tà ke Maje loo njiye’t, è nyan ke maje dum: nja de mong nang tchai.»

Nje Ke Rome 15:16

Nube tel’m ke ngonn njèkule le Jésu-Krist tede le dooge ke ei Juipge lé. Nube ɔr’m unde’m se ninn’n tede kade m’ile mber Tà ke Maje le’n m’ade dooge ke ei Juipge lé. Titeke bè á Ndil-Kêmnda à ɔr’n njé ke ei Juipge lé kunde’n de se ninn de kade taai kum Nube.

1 Nje Ke Corinthe 12:11

E Ndil-Kêmnda ke karé bere nè kuwe á ra nyange nè nga malang. E kai nyan-nojege nè nga ade nanan géa se go kêmndige le’n è kuwe.

1 Nje Ke Corinthe 7:5

Ɔgi ra si nan lé. Ke nè á ɔgi ra si nan ɓaa, maje kade è se go ndu kase nan le si tede kade ɔji tà se Nube. Nè kɔge nan ra le si nga adi kur’n ngal ngain lé. Mbɔr ɓaa, i teli ingei nan nè bainléa Sú à nan’n sei tede ngur tò se nan ke ndikum ra si’t ɓai.

2 Nje Ke Corinthe 11:27

M’ule ra’m ndibe loo kule’t, m’ɔr yàl-yàl a, dɔ-dɔ ɓi ɔde kum’m lé a tɔ. Nja bule ɓo se kunde mann tɔli man a, m’ɔge ra’m dè nyankuse’t se dè kain mann’t a tɔ. Nja bule m’ndi dann kul’t a, kubu kule ram’t goto a tɔ.

2 Nje Ke Corinthe 6:5

Dé tunde jè a, d’ile jè dangai’t a tɔ. Dé sule dooge dè jé’t a, j’ule ra jé ndibe loo kule’t a tɔ. J’ɔge kum jé ɓi a, j’ɔge ra jé dè nyankuse’t se dè kain mann’t a tɔ.

Nje Ke Galatie 1:15

Nè né è bè géa, Nube ɓar’m unde’m se ninn’n se go kem̂noje le’n loo ke ndɔ ke m’nain’n kem̂ konm’t ɓai.

Nje Ke Ephese 3:7

Takul noje ke Nube uwe se’m se go tɔgmong le’n á m’tel m’ee’n ngonn njèkile mber Tà ke Maje nè nga.

Nje Ke Colosses 4:17

Edi Archippe edi nè: I ndi kum dè kule ke Kuwe-ɓee um jii’t le kade i ra ɔr son’n njêt.

1 Timothee 2:7

E tede kɔrgo tà nè á Nube ɔr’m unde’m ke njèkile mber a, ke njèkawkule a tɔ. Man nga Nube ɔr’m unde’m ke njèndó nyan dooge ke ei Juipge lé kade undei kem̂ de dènn’t a, dè ngarankum tà’t a tɔ.

2 Timothee 1:11

Man nga Nube ɔr’m unde’m ke paja mber Tà ke Maje nè nga. Nube ɔr’m unde’m ke njèkawkule a, ke njèndó nyan dooge ke ei Juipge lé a tɔ.

2 Timothee 2:2

Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.

2 Timothee 4:11

Luc kuwe se kar’n luk-luk á nain se’m ɗarinè. Loo ke a i ree ɓaa, ade Marc ree sei nan’t tede è ra se’m ngain dè kule’t.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.

Hebreuge 5:4

Doo karé ase kin se dè’n è kuwe ɓar ra’n maw njèkuje nyan-mese lé. Nè doo ke è Nube kuwe ɓar’n titeke ndɔ ke ɓar’n Aaron tá asekum kinge riɓar ke ɔje dè maw njèkuje nyan-mese nga ɓai.