Nyanra Njekawkulege 13:16 - Nouveau Testament en Gulay 2004

¹⁶ Paul ɔse nang in dɔ, yei de ji’n le kade dé ndi jêke^. E ede de ede nè: – Sei dooge ke Israel, sei malang ke i ɓeli Nube, i neli mbi si maje ooi tà le’m.

Nyanra Njekawkulege 13:16 ပူးပေါင်းရင်းမြစ်များ

Matthieu 11:15

Nanan ke mbi’n tò tutu ɓaa, maje kade ur mbi’n maje oo’n tà ke m’tam nè nga.

Tà ke Maje ke Luc ndang 1:22

Loo ke Zacharie unde loo tee nata ɓaa, è asekum tam tà kede de lé. Mbi’n se kɔbe’n utu ade yei ji’n ɓàk-ɓàk karè. Loon’t nè ɓita kum kosdooge gang reng ade geri titeke nyan-pinde tee dènn’t kêm kei le Nube ɓai.

Tà ke Maje ke Luc ndang 1:50

Kêmkanm le’n nga, ngei’n goto tede le njé ke ilei koje dènn’t.

Tà ke Maje ke Luc ndang 23:40

Nè njè ke karé ke rang in se’n dè’t ede nè: – Ké Nube géa i ile koje dènn’t lé wa? Tà ke karé ke dé gang dènn’t nga kuwe è lei tɔ.

Nyanra Njekawkulege 10:2

Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 10:35

Nè se kêm ɓeekonge karé-karé malang nga, nanan ke ɓel’n Ndil Nube, ra nyan se dè naje’n ɓaa, doo nè taa kum’n kuwe.

Nyanra Njekawkulege 12:17

Pierre yei de ji’n le kade d’ebe’t tam tà. E ɔr ser kɔr ke Kuwe-ɓee ɔr’n dangai’t ade d’oo. Pierre tel ede de ede nè: – Ɔri ser nyan nè nga adi Jacques se njétaakêm-Kristge ke rang ooi. Go’t gugu, è unde loo tee aw loo ke rang’t.

Nyanra Njekawkulege 13:26

– Ngakonmge ke girkà’t le Abraham, sei ke sei Juipge lé ke i ɓeli Nube, ooi maje: Tà kaje nè nga Nube ule’n ade jèi malang.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 19:33

Juipge ɔsi Alexandre balang-balang ade unde loo tee dann doobulege’t nè nga. Doobulege ileii non de’t kété umi nan goon’t. Alexandre yei ji’n: è ndige tam tà dè rann’t tàkum doobulege’t nè nga.

Nyanra Njekawkulege 2:14

Ke loon’t nè kuwe, Pierre ɔse nang in nda dɔ se njékawkulege ke dɔg-gidé-karé. E tam tà se ndu’n ke bòi ede doobulege ede nè: – Sei Juipge se dooge malang ke i reei mba kêm ɓee-bò ke Jérusalem nga, uri mbi si maje ooi tà le’m.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Nyanra Njekawkulege 21:40

Loo ke njèkan dè njérɔge ke aru dɔg inye loo ade Paul ɓaa, Paul in nda dè ɗinger loo’t, è yei ji’n ade kosdooge le kade ebi’t. Ká loo tel pa sibik. Paul ede dooge tà se tà hébreu ede nè:

Nyanra Njekawkulege 22:22

Juipge uri mbi de ooi tà le Paul sár tee dè tà’t nè ɓaa, ei unni gir tami tà beng-beng edi nè: – Doo ke titeke bè nga, ndête kade ndi kumgajer dè nang nè lé. Adi kum’n udu kɔke.

Nyanra Njekawkulege 3:12

Nè loo ke Pierre an kosdooge ke reei ra de’t nè nga bè ɓaa, è deje de ede nè: – Sei dooge ke ɓeekon ke Israel, ké bain á adi ndil si tee an-in soin-soin dè njiye ke dɔgemete nè in njiye nga wa? Ké bain á adi kum si tò dè jé jè’t kakak titeke è tɔgmong le jé, éké kile koje dè Nube’t le jé á j’ade dɔgemete nè njiye’n wa? Ḿ-m̀, è jè lé.

Lookilera’n 2:11

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, yo ke njèkon’t joo à ra kum de ndoo ndan lé.»

Lookilera’n 2:17

Nanan ke ka mbi’n tò tutu ɓaa, maje kade ur mbi’n maje oo’n tà ke Ndil ede njékebe nange le Nube. Dooge ke têti rɔ ɓaa, m’a m’ade de mur ke tò loo ɓɔyɔn’t ke ri’n nè manne kade on-in. M’a m’ade’n ngonn her ke nda kade ɔr’n tà dè dooge’t. Ri ke kige ke dé ndang tu ngonn her ke nda’t nè nga, doo ke rang karé bè géa ger lé. Nè doo ke inge ngonn her ke nda nè kuwe se kár’n bere á ger.»

Lookilera’n 2:29

Nanan ke ka mbi’n tò tutu ɓaa, maje k’ade ur mbi’n maje oo’n tà ke Ndil ede njékebe nange le Nube.»

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»