Nyanra Njekawkulege 13:14 - Nouveau Testament en Gulay 2004

¹⁴ Paul se Barnabas in-in Perge awi teei kêm ɓee-bò ke Antioche, ɓeekon ke Pisidie. Ndɔ taa kebe ɓaa, ei awi kêm kei kebe nan’t ndii nang le koo tà.

Nyanra Njekawkulege 13:14 ပူးပေါင်းရင်းမြစ်များ

Tà ke Maje ke Luc ndang 4:16

Jésu in loon’t nè aw ɓee ke Nazareth. Nazareth nga, è ɓee ke ndɔ ke d’oto’n tutu d’ade tɔge. E aw se de kêm kei kebe nan’t se go ra ke è ra’n kété-kété se ndɔ taa kebe. E ɔse nang in dɔ le tute magtub le Nube kade de.

Nyanra Njekawkulege 13:42

Paul se Barnabas undei loo kêm kei kebe nan’t teei nata. Dé deje de le kade teli edi de tàge nè nga se ndɔ taa kebe ke à ree gugu.

Nyanra Njekawkulege 13:44

Ndɔ taa kebe ke njè kutu go made nè ɓaa, dooge malang ke kêm ɓee-bò ke Antioche, ɓeekon ke Pisidie, ɔsi nja nan reei le kooi tà le Kuwe-ɓee.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 13:5

Loo ke awi teei kêm ɓee ke Salamine ɓaa, ei ilei mber tà le Nube kêm kei kebe nange’t le Juipge kuwe kété. Jean-Marc aw se de le ra se de dè kule ke nange.

Nyanra Njekawkulege 14:19

Nè mbɔr go’t gugu ɓaa, Juipge in-in kêm ɓee ke Antioche ɓeekon ke Pisidie, se kêm ɓee ke Icone reei umi tà kêm doobulege’t ade in-in tilei Paul se kuberi her mbàs-mbàs. Dé ndɔr’n d’aw se’n d’ile’n gide ɓee-bò’t nata. Dé gir kêm de’t d’ede nè è wei ɓá.

Nyanra Njekawkulege 16:13

J’unde loo jè tee nata kêm ɓee’t se ndɔ taa kebe, j’aw kum jé ke tà ba’t. Jè gir kêm jé’t kété j’ede nè bainléa j’à j’inge loo karé ke deri le kɔje’n tà se Nube tà ba’t nè nga. Nyan ra maje ade j’inge mate dinyege ke ndii à kebi nan loo’t nè nga tɔ. Jè tel jè ndi nang j’ede de tà.

Nyanra Njekawkulege 17:2

Paul aw inge Juipge kêm kei kebe nan’t titeke è ra’n kété-kété. E ndi se de kei kebe nan’t bè-bè ase nja mute, è naje se de tà dè magtubge ke tooi se ninn de.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.