Nyanra Njekawkulege 13:1 - Nouveau Testament en Gulay 2004

¹ Njékebe nange le Nube ke ndii kêm ɓee-bò ke Antioche, ɓeekon ke Syrie nga, njéribe-dè-tàge ke tà Nube’t se njéndó dooge nyan ndii tutu. Dooge nè nga, ri de a tò nè: Barnabas a, Siméon ke dé ɓar’n «Niger» a, Lucius doo ke Cyrène a, Manaen ke ndɔ ke d’oto de nan’t se Hérode Antipas a, se Saul a tɔ. Ɓeekon ke Galilée nga, dé gaje danné loo sɔ. Hérode Antipas on ɓee dè gaje’n karé.

Nyanra Njekawkulege 13:1 ပူးပေါင်းရင်းမြစ်များ

Matthieu 27:32

Loo ke njérɔge à undei loo le teei se Jésu kawi se’n gide ɓee-bò’t nata ɓaa, ei ingei dingem karé ke ɓee le’n è Cyrène deĵ. Ei undei tɔg dènn’t le kade unn kage-ke-dese le Jésu nga oto. Dingem nè nga ri’n nè Simon.

Tà ke Maje ke Luc ndang 3:1

Ngar ke bò, Tibère César on ɓee ɓal dɔg-gidé-mi. Ngar Ponce Pilate on ɓee dè nang’t le Juda. Ngar Hérode Antipas on ɓee dè nang ke Galilée. Kêm ɓalnge’t nè nga, ngar Philippe ngokon Hérode Antipas ke tɔg on ɓee dè nang ke Iturée se Trakonite. Ngar Lysanias è njèkonɓee ke dè nang ke Abilène a tɔ.

Nyanra Njekawkulege 11:30

Loo ke ei rai nyange nè titeke ɔji nga ɓá ɓaa, ei teli umi ji Barnabas se Saul ade awi adi ke ngatɔgege ke kêm ɓeekon ke Judée.

Nyanra Njekawkulege 12:25

Loo ke Barnabas se Saul ɔri son kule le de kêm ɓee-bò ke Jérusalem ɓá ɓaa, ei teli reei kêm ɓee ke Antioche, ɓeekon ke Syrie gugu. Jean ke ri tɔyi’n nè Marc nga, Barnabas se Saul reei se’n ji de’t.

Nyanra Njekawkulege 13:9

Ndil-Kêmnda taa kêm Saul ke dé ɓar’n Paul pel-pel. E an njè mbeli nè nga kàkàk, taɓai è tam se’n ede nè:

Nyanra Njekawkulege 15:32

Jude se Silas ei njéribe-dè-tàge ke tà Nube’t. Ei géa edi de tàge ngain a, ndeji de a, ulei dingem kêm de’t a tɔ.

Nyanra Njekawkulege 15:35

Nè né è bè géa Paul se Barnabas ndii kêm ɓee-bò ke Antioche, ɓeekon ke Syrie. Ei se dooge ke rang bule ndói dooge nyan kum de ke kété-kété a, ilei mber Tà ke Maje le Kuwe-ɓee a tɔ.

Nyanra Njekawkulege 19:6

Paul ile ji’n dè de’t ɓaa, Ndil-Kêmnda ree dè de’t. D’unn gir tam tà tam dooge gai-gai a, dé ribe dè tàge ke in tà Nube’t a tɔ.

Nyanra Njekawkulege 21:9

Doo nè nga aw se ngannenge ke mande ke anje ger dingem sɔ ndii à ribei dè tà ke tà Nube’t.

Nyanra Njekawkulege 4:36

Titeke bè á Joseph, ke njékawkulege ilei ri tɔyi’n nè Barnabas aw se loo ndɔr le’n. Barnabas nga tel se tà koje jéi ɓaa, è «Ngonn Njèkule dingem kêm madennge’t.» Joseph nga è girkà le Lévi njèkuje nyan-mese. Ɓee koje’n è Chypre.

Nyanra Njekawkulege 9:1

Njékuwe-gir Kuwe-ɓeege nga, Saul ebe ra’n dè ra de kade ra de tur de’t lé ɓai a, è aw kum’n ke kété-kété dè tɔl de’t a tɔ. E an-in hant aw ra maw njèkuje nyan-mese’t,

Nje Ke Rome 16:21

Timothée, njèmade kule le’m ra sei lapya. Lucius se Jason se Sosipater ke ei njénojege le’m, rai sei lapya tɔ.

1 Nje Ke Corinthe 11:4

Dingem ke rara ke ɓir dè’n tá ɔje’n tà se Nube éké ede dooge tà ke tà Nube’t nga, ile rasɔl dè Krist ke è doo dènn’t.

1 Nje Ke Corinthe 13:2

Ke nè á m’aw se nyan-noje ke ɔje dè ribe dè tà ke tà Nube’t, m’ase ger nyange malang ke tooi loo ɓɔyɔ de’t éké m’aw se nyanger ke deri éké m’ase le kaw se kundekêm ke deri tede kɔr’n mbal se girson’n bere géa, ke nè á tár nan goto kêm’t ɓaa, m’ee nyan ke karè.

1 Nje Ke Corinthe 13:8

Tár nan à kudu ndan lé. Tàge ke njéribe-dè-tàge ke tà Nube’t tami nga à udi ɓai. Nyan-noje ke le tam’n tà tam dooge gai-gai à ɔsi ngei ɓai a, d’a d’ade gos nyanger à goto ɓai a tɔ.

1 Nje Ke Corinthe 14:29

Njéribe-dè-tàge ke tà Nube’t ɓaa, maje kade dooge joo éké mute kuwe tami tà. Gute njé ke rang malang ɓaa, maje kade ndii teri tàge nè an-in.

1 Nje Ke Corinthe 14:32

Njé ke Nube ade ribei dè tà ke tànn’t nga awi se tɔgmong le kan-in dè nyan-noje nè ke è uwe’n se de noje.

1 Nje Ke Corinthe 9:6

Ké jè se Barnabas kuwe se kar jé á è tà le jé kade jè ra kule ɓita j’inge’n nyankuse jé wa?

Nje Ke Galatie 2:13

Njétaakem̂-Kristge ke nange ke ei Juipge nga ndonmi nan go kede gos’t le Pierre ade Barnabas kuwe géa tel ee’n njèkede gos se de nan’t mbak.

Nje Ke Galatie 2:9

Jacques se Céphas se Jean ke ndɔ ke d’an de ke kage ngadann kei nga, loo ke an-in noje ke Nube uwe se’m ɓaa, ulei jikon de adi jè se Barnabas umi se jé nan’t bɔk. Gir’n ke nè á man se Barnabas jee’n njékaw kile mber Tà ke Maje kade njé ke ei Juipge lé, nè ei ɓaa ei njékaw kile mber Tà ke Maje kade Juipge tɔ.

Nje Ke Ephese 4:11

E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ.

Nje Ke Philippes 4:22

Ngakonmge ke dé ndi se’m nan’t nga, dé ra sei lapya. Njé ke tooi se ninn de malang rai sei lapya, njé ke kem̂ kei le César, ngar ke bò kuwe mbain géa rai sei lapya tɔ.

1 Nje Ke Thessalonique 5:20

I nedi tà ndejege le njékɔrgir tàge le Nube lé.