Nyanra Njekawkulege 12:9 - Nouveau Testament en Gulay 2004

⁹ Pierre unde loo tee, unn rebe go doo ke danrán’t nga. Nè Pierre ger gir nyan ke doo ke danrán ra nè nga njai lé ɓai. E gir titeke nyan pinde’n karè.

Nyanra Njekawkulege 12:9 ပူးပေါင်းရင်းမြစ်များ

Jean 2:5

Kon Jesu ede ngann njéra kulege ede nè: – Nyan malang ke n’a n’deje sei nga i rai.

Nyanra Njekawkulege 10:17

Pierre tel ndi giw à girtà dè nyanpinde ke kété an. Ke loon’t nè kuwe, njékulege le Corneille reei teei pan. Ei deji kei le Simon ke njèkɔr gide ndar edi nè: – Ké kei le Simon è ra wa? Ei reei ndai tàbit kei’t nata.

Nyanra Njekawkulege 10:3

Ndɔ karé bè, ase kàde mute ke loo sɔlé, nyan pinde’n. Doo ke danran ke Nube ule’n aw goon’t kei ade an’n njai-njai. Doo ke danran le Nube nga ɓar Corneille ede nè: – Corneille!

Nyanra Njekawkulege 11:5

– M’ndi kêm ɓee ke Joppé man m’ɔje tà se Nube. Nyan pinde’m ade m’an nyan karé ke tò tite tà kubu ke bò in danran rise nang. Tà kubu nè nga dé tɔ kule dè kumennge ke sɔ. Nyan nè nga ree jurr rise nang ram’t jip.

Nyanra Njekawkulege 12:8

Doo ke danran ede Pierre ede nè: – I tɔ ɓedi se ndar mong a, i tule gabang’t njai’t a tɔ. E ra tite doo ke danrán ede’n nga tɔ. Doo ke danrán nga tel ede’n ede nè: – Ule kubu lei ke bòi yul rai’t ɓaa ɔte goom’t laa.

Nyanra Njekawkulege 26:19

Unn gir kêm ndɔn’t nè nga, ngar Agrippa, m’altà tà nyanpinde ke in danrán nga lé.

Nyanra Njekawkulege 9:10

Njèkuwe-gir Kuwe-ɓee Jésu karé bè ndi kêm ɓee-bò ke Damas ri’n nè Ananias. Kuwe-ɓee tee dènn’t se nyanpinde ɓar’n ede nè: – Ananias! E ndige tànn’t ede nè: – Kuwe-ɓee, an! man á m’nda nè.

Hebreuge 11:8

Takul kundekem̂ á Abraham ile’n koje dè ɓar ke ndɔ ke Nube ɓar’n. Abraham in aw kem̂ ɓeekon ke ndɔ ke Nube unn’n ndu’n le kade’n. E in jain aw nal ger loo ke get ke è ndi à aw ke tutu.