Nyanra Njekawkulege 12:8 - Nouveau Testament en Gulay 2004

⁸ Doo ke danran ede Pierre ede nè: – I tɔ ɓedi se ndar mong a, i tule gabang’t njai’t a tɔ. E ra tite doo ke danrán ede’n nga tɔ. Doo ke danrán nga tel ede’n ede nè: – Ule kubu lei ke bòi yul rai’t ɓaa ɔte goom’t laa.

Nyanra Njekawkulege 12:8 ပူးပေါင်းရင်းမြစ်များ

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Marc 6:9

I tulei gabang’t nja si’t, nè i tulei kubu dè nan’t joo lé.

Tà ke Maje ke Luc ndang 12:37

Ngann njéndige nè nga, loo ke kuwe de tel à ree á inge de dè ɓi’t lé ɓaa, ra de à nel de. Kerɔte kuwe, man m’ede sei ndàt, kuwe de à ule kubu ra kule rann’t, à uwe ɓede’n se ndar le ɓar de kade de nyankuse kade d’use a tɔ.

Nyanra Njekawkulege 12:7

An! doo ke danrán le Kuwe-ɓee unde loo tee pan ade loo ke kêm kei dangai’t ndogó kotong. Doo ke danrán nè nga unde kàde Pierre ɗe^-ɗe^ ndel’n ede nè: – In dɔ kalang. Ke loon’t nè kuwe, sulge ke dé tɔɔ’n ji’n jɔré nang yɔgrɔm.

Nyanra Njekawkulege 12:9

Pierre unde loo tee, unn rebe go doo ke danrán’t nga. Nè Pierre ger gir nyan ke doo ke danrán ra nè nga njai lé ɓai. E gir titeke nyan pinde’n karè.

Nyanra Njekawkulege 27:23

Nube ke m’ɗɔi’n nga ule doo le’n ke danrán ade ree ram’t ndɔɔ laa ede’m ede nè:

Nyanra Njekawkulege 8:26

Doo ke danrán le Kuwe-ɓee ede Philippe ede nè: – Ɔse nang in dɔ aw kêl se ke dè jikon se rebe ke in Jérusalem aw Gaza. Rebe nè nga è rebe ke dooge ɔsi lé.