Nyanra Njekawkulege 12:7 - Nouveau Testament en Gulay 2004

⁷ An! doo ke danrán le Kuwe-ɓee unde loo tee pan ade loo ke kêm kei dangai’t ndogó kotong. Doo ke danrán nè nga unde kàde Pierre ɗe^-ɗe^ ndel’n ede nè: – In dɔ kalang. Ke loon’t nè kuwe, sulge ke dé tɔɔ’n ji’n jɔré nang yɔgrɔm.

Nyanra Njekawkulege 12:7 ပူးပေါင်းရင်းမြစ်များ

Matthieu 2:13

Loo ke baw-nyangerge ɔti awi ɓá ɓaa, an! doo ke danran le Kuwe-ɓee tee hɔi ke ra Joseph’t se ni ede’n ede nè: – Ɔse nang in, unn ngonn ke kide nè nga se kon’n an-in se de aw se de ɓeekon ke Egypte. I ndi tutu nú sár kade man kuwe m’edi ɓita i tel i ree ɓai tede Hérode sang le tɔl ngonn ke kide nè nga.

Tà ke Maje ke Luc ndang 2:9

Doo ke danrán ke Kuwe-ɓee ule’n tee hɔi ke ra de’t. Ndubra le Kuwe-ɓee ndogó gan dè de wàk ade ɓel unde de ndàt gang de.

Tà ke Maje ke Luc ndang 24:4

Dé tel dé nda giw ɓaa, an! ke loon’t nè kuwe doo ke danránge joo ke Nube ule de undei loo teei hɔi ra de’t se kubuge ke ndoin kein-kein.

Nyanra Njekawkulege 10:30

Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Nyanra Njekawkulege 12:23

Ke loon’t nè kuwe, doo ke danrán ke Kuwe-ɓee ule’n dar ngar Hérode dikew tede è unn tà ra’n è kuwe nal kule ndubra dè Nube’t. Kêm’n oso kurge ɗɔk-ɗɔk ade oso’n sɔrɔk wei’n.

Nyanra Njekawkulege 12:6

Barè lookar’n Hérode ayé tee se’n nata le gangtà dènn’t tàkum kosdooge’t malang. Kêm ndɔ’n nè nga, dé tɔ ji Pierre se sul ɓita too’n ɓi dann njérɔge joo. Tabai d’ade njérɔge ke rang ndai à ngonmi tà kei dangai.

Nyanra Njekawkulege 12:8

Doo ke danran ede Pierre ede nè: – I tɔ ɓedi se ndar mong a, i tule gabang’t njai’t a tɔ. E ra tite doo ke danrán ede’n nga tɔ. Doo ke danrán nga tel ede’n ede nè: – Ule kubu lei ke bòi yul rai’t ɓaa ɔte goom’t laa.

Nyanra Njekawkulege 16:26

Loo ke tà nain tà dè’t ɓai ɓaa, nang yei ɓuk-ɓuk ade gir kei dangai ule yirk-yirk. Ke loon’t nè kuwe, tàbitkeige bere mbak teein se dè ra de a, kage ke nja dangaige’t malang jɔrè nang yɔgrɔm a tɔ.

Nyanra Njekawkulege 2:24

Nè Nube ɔr Jésu ke Nazareth dann nyankêmkonge’t le yo ade unde loo tee dann njé ke koo’t. Titeke bè á yo asekum kuwe’n nang gan-gan se go tɔgmong le’n lé.

Nyanra Njekawkulege 5:19

Nè dann ndɔ ɓaa, Kuwe-ɓee ule doo le’n ke danran ade ree teen tàbit-kei dangai inye wei. E ade njékawkulege undei loo teei kêm kei dangai’t ɓaa, è ede de ede nè:

Nyanra Njekawkulege 9:3

Nè loo ke Saul unde dè ɓee-bò ke Damas ngɔr ɓaa, ke loon’t nè kuwe, nyan in danrán ndogó gan dè’n wàk.

Nje Ke Ephese 5:14

Nyan malang ke loo unju dè’t nga tel è lookar tɔ. Gir’n ke nè á dé tam’n d’ede nè: «I ke i tò ɓi nga, i teen kumi, unde loo i tee dann njé ke koo’t ɓaa, Krist à ndoin non-in’t.»

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Lookilera’n 18:1

Go nyange’t nè ɓaa, m’an doo karé ke rang in danrán rise nang. E aw se tɔgmong ke bò. Ndubra le’n ndogó ade loo ke dè nang nè bere mbak unju njai-njai.