Nyanra Njekawkulege 12:3 - Nouveau Testament en Gulay 2004

³ Loo ke è an titeke nyan nè nel Juipge ngain ɓaa, è ade d’uwe Pierre taɓai. E kêm ndɔge ke d’ade ra’n nan ke ɔje dè mapa ke pululu goto tutu.

Nyanra Njekawkulege 12:3 ပူးပေါင်းရင်းမြစ်များ

Matthieu 26:17

Ndɔ ke desêin le nan Paque ke anje pululu nga, njékuwe-gir-Jésuge reei rann’t deji nin edi nè: – Ké loo ke ra i ndige kade j’uwe dè nja nyan ra nan Paque nga tutu j’adi wa?

Jean 12:43

Njékɔr non Juipge rai titeke bè tede undei riɓar ke in ra dooge’t tá ngain dum riɓar ke in ra Nube’t.

Jean 19:11

Jésu tel ilé dè’t ede nè: – Ke nè á ndɔ ke Nube adi tɔgmong lé ɓaa, ayé ra se’m nyan karé bè lé. Gir’n ke nè á, è ke njè kade d’uwe’m d’ule’m jii’t nga, tà uwe dè’n dum lei ɓai.

Jean 21:18

Kerɔte man m’edi ndàt, kété ke i basa ɓai nga i kuwe i tɔ́ ɓedi se ndar aw’n loo titeke kêmi ndige. Nè ndɔn’t a i ɓuge ɓaa, a i sure jii kade doo karé ke rang à tɔ ɓedi se ndar a, à ndɔri kaw sei loo ke i ndige’t lé.

Nyanra Njekawkulege 12:4

Loo ke Hérode ade d’uwe Pierre d’ile’n dangai’t ɓaa, è ade njérɔge dɔg-gidé-mute-mute taai gute nan sɔ-sɔ nja sɔ ngonmi nin tchên. E ndige le tee se’n nata kum kosdooge’t loo ke gir ndɔ ra nan nyan Paque à gang.

Nyanra Njekawkulege 2:14

Ke loon’t nè kuwe, Pierre ɔse nang in nda dɔ se njékawkulege ke dɔg-gidé-karé. E tam tà se ndu’n ke bòi ede doobulege ede nè: – Sei Juipge se dooge malang ke i reei mba kêm ɓee-bò ke Jérusalem nga, uri mbi si maje ooi tà le’m.

Nyanra Njekawkulege 20:6

Nè jè ɓaa, gir ndɔge ke ɔje dè ra nan Paque dere pa ɓita j’al bato kêm ɓee ke Philippes. J’aw sár ase ndɔ mi ɓita jè tee ra de’t Troas ɓai. Jè ndi kêm ɓee-bò ke Troas nè nga jè ra ndɔ ji sejimute.

Nyanra Njekawkulege 24:27

Lo joo go’t ɓaa, dé taa konɓee ji Félix’t d’ade Porcius Festus. Félix inye Paul dangai’t tede le taa’n kum Juipge.

Nyanra Njekawkulege 25:9

Nè Festus ndige le taa kum Juipge. E deje Paul ede nè: – Ké i ndige kaw Jérusalem le kade dé gangtà lei nè nga nonm’t nú wa?

Nyanra Njekawkulege 4:13

Loo ke njégangtàge an-in titeke Pierre se Jean ndai kêm de káng tami tà kum ngonn ke dingem ɓaa, tà ige de sêl, tede kété d’an de ke dooge ke raikarè ke geri magtub lé. Dé ger de ke njémade-loo-kawge le Jésu ke kété.

Nje Ke Galatie 1:10

Ɗarinè, ké m’aw ndoo taa kum dooge éké m’aw ndoo taa kum Nube wa? Ke nè á m’sang le taa kum dooge karè ɓaa, bainléa ɓila man m’ee le Krist lé ta.

1 Nje Ke Thessalonique 2:4

Nè Nube ter jè njúng ɓita um kule kile mber Tà ke Maje le’n nga ji jé’t ɓai. Jè j’ile mber Tà ke Maje tede taa’n kum dooge lé, nè le taa’n kum Nube ke njè ter ɓengre jé.