Nyanra Njekawkulege 12:20 - Nouveau Testament en Gulay 2004

²⁰ Wong ra ngar Hérode ngain dè dooge ke ndii kêm ɓee-bò ke Tyr se Sidon. Dooge nè umi tà le de nan’t bɔk le ree kingei nin. Nè d’aw d’inge Blastus, paja le ngar Hérode d’ile’n go de’t pa ɓita d’aw ra Hérode’t dé deje’n kêmlom ɓai. Dé deje’n kêmlom titeke bè tede è se tà rebe ɓeekon le’n nè á nyankinge se nyankusege in-in tutu reei kêm ɓee-bòge ke Tyr se Sidon.

Nyanra Njekawkulege 12:20 ပူးပေါင်းရင်းမြစ်များ

Tà ke Maje ke Luc ndang 16:8

Kuwe njèkan-dè-nyange ke njègos nè nga ede nè: «I ger nyan ngain kuwe.» E ke nè á ke nyan ra dooge ke ei le nang nè ke rai se nan dum njé ke dé le lookar.

Nyanra Njekawkulege 12:21

Ndɔ ke d’ɔje le kinge’n nan nga ase deĵ. Ngar Hérode tule kubu ngar rann’t aw ndii’n dè kutu-ngar gangtà’t. E ede dooge tà se ndu’n ke bòi beng-beng.

Nyanra Njekawkulege 21:3

Nè loo ke j’an dè goré loo ke Chypre non jé’t dil ɓaa, j’inye’n dè jigel jé’t, j’aw kum jé ke ɓeekon ke Syrie j’aw jè rise nang kêm ɓee-bò ke Tyr. Jè nda nang loo’t nè j’ade d’ɔr nyange ke kêm bato’t nang.

Nyanra Njekawkulege 21:7

J’ɔr son kaw mba le jé se rebe ke manné kêm ɓee-bò ke Tyr. J’in Tyr j’aw kêm ɓee-bò ke Ptolémais. Jè ra lapya njétaakêm-Kristge ke tutu, jè ndi se de ndɔ karé ɓita j’in ɓai.