Nyanra Njekawkulege 11:9 - Nouveau Testament en Gulay 2004

⁹ Ndu doo in danrán ke njèkon’t joo ede nè: «Nyan ke Nube tel’n ke nyan ke unju nyang-nyang nga, maje kade i ɓar’n nyan ke mine lé.»

Nyanra Njekawkulege 11:9 ပူးပေါင်းရင်းမြစ်များ

Marc 7:19

Kerɔte kuwe, nyan ke doo use nga aw kêm ɓengrenn’t lé, nè aw kêm jebelenn’t ade go’t gugu ɓaa, è aw ede’n yide. Jésu tam tà nè nga titeke bè tede è tel nyankuse malang ade è ke unju tede le njétaa-kêmnge.

Nyanra Njekawkulege 10:15

Ndu doo nè nga tel ede Pierre tà njèkon’t joo ede nè: – Nyan ke Nube tel’n ke nyan ke unju nyang-nyang nga, maje kade i ɓar’n nyan ke mine lé.

Nyanra Njekawkulege 10:28

Pierre ede de ede nè: – Sei geri mbak, doo ke è Juip nga d’ɔge’n loo kuwe made nan éké loo kum nan’t bɔk se doo ke è Juip lé. Nè man ɓaa, Nube ndoo’m le kade m’an doo karé bè ke nyan ke raikarè éké ke nyan ke mine lé gar-gar.

Nyanra Njekawkulege 11:10

Nyan nè nga ree titeke bè nja mute ɓita tel keng aw danrán gugu ɓai.

Nyanra Njekawkulege 11:8

Nè m’ede’n m’ede nè: «Ḿ-m̀ Kuwe-ɓee, nyan ke pás-pàs éké nyan ke mine ke titeke bè nga ɔde tà’m nja karé lé ɓai.»

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

1 Timothee 4:5

tede tà le Nube se kɔje tà se Nube tel nyan malang ke è unde ade unju nyang-nyang ɓá.