Nyanra Njekawkulege 11:26 - Nouveau Testament en Gulay 2004

²⁶ Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 11:26 ပူးပေါင်းရင်းမြစ်များ

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Jean 2:2

Jésu se njékuwe girnge géa, dé ɓar de loo ra nan taa nan’t nè nga tɔ.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 11:22

Loo ke tà nè oso mbi njékebe nange le Nube ke Jérusalem ɓaa, ei ɔri Barnabas ulei nin adi aw sár tee kêm ɓee-bò ke Antioche.

Nyanra Njekawkulege 11:27

Kêm ndɔge ke Barnabas se Saul ndii kêm ɓee-bò ke Antioche ɓai nga, njéribe-dè-tàge ke tà Nube’t in-in Jérusalem reei Antioche.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

Nyanra Njekawkulege 14:20

Nè loo ke pajage le’n d’an-in dè’n girm ɓaa, è ɔse nang in tel aw kêm ɓee’t gugu. Barè lookar’n Paul in aw se Barnabas kêm ɓee-bò ke Derbe.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 14:23

Paul se Barnabas tɔri ngatɔgege se loo kebe nan le Nube karé-karé malang adi an-in dè njétaakêm-Kristge. Loo ke ei tɔri de ɓá ɓaa, ei ɔgi kêm de ɓo a, an-in mann lé a tɔ, ɔji tà se Nube, ɓita umi ngatɔgege nè ji Kuwe-ɓee ke ei undei kêm de dènn’t.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 14:28

Paul se Barnabas ndii se njékuwegir-Jésuge kêm ɓee-bò ke Antioche ase tà’t.

Nyanra Njekawkulege 18:27

Titeke ke Apollos ɔje njáng le kaw kêm ɓeekon ke Achaie nga ɓaa, njétaakêm-Kristge ulei dingem kêmn’t le kade aw. Gir’n ke nè á ei ndangi magtub adi njétaakêm-Kristge ke Achaie le kade uwei Apollos ke ra de’t. Loo ke è tee nú ɓá ɓaa, Nube uwe se’n noje ade tel è kage-gete njétaakêm-Kristge.

Nyanra Njekawkulege 19:9

Nè njé ke nange ei njékêmnderge se njé kunn mbi dè tàge’t. Ei tami tà ke majelé dè rebe’t le Kuwe-ɓee tàkum doobulege’t. Paul ɔr ra’n ra de’t kɔke ɓaa, è ɔr kum njétaakêm-Kristge gai ɔje de tà se ndɔ karé-karé kêm kei ndó nyan’t le Tiranus.

Nyanra Njekawkulege 20:1

Loo ke ká loo tel pan keng ɓaa, Paul ade dé ɓar njétaakêm-Kristge ade reei ingei nin. E ndeje de a, è ra de lapya a tɔ, ɓita è inye de ɔte aw kêm ɓeekon ke Macédoine ɓai.

Nyanra Njekawkulege 20:30

Man m’ger mbak titeke dooge à in-in dann si sei’t le têti tà tchap-tchap ndɔri njétaakêm-Kristge go de’t.

Nyanra Njekawkulege 21:4

J’inge njétaakêm-Kristge kêm ɓee-bò ke Tyr. Jè ndi se de ase ndɔ ji sejimute. Ndil-Kêmnda ɔse njétaakêm-Kristge nè nga balang ade edi Paul le kade aw kêm ɓee-bò ke Jérusalem lé.

Nyanra Njekawkulege 26:28

Nè Agrippa ede Paul ede nè: – Nain ngɔr ɓaa ayé tel’m ke njètaakêm-Krist ta.

Nyanra Njekawkulege 6:1

Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nyanra Njekawkulege 9:19

Loo ke è use nyan ɓá ɓaa, tɔge’n tel ree rann’t gugu. Saul nain se njékuwe-gir-Jésuge ke kêm ɓee-bò ke Damas ndɔ’n bule ndêin.

Nyanra Njekawkulege 9:38

Ɓee ke Joppé nga tò ngɔr se ɓee ke Lidda. Loo ke njékuwegir-Jésuge ooi titeke Pierre ndi kêm ɓee ke Lidda ɓaa, ei ulei dingemge joo rann’t. Dooge joo ke d’ule de rann’t nga, ndêti nin edi nè: – Kɔkrɔ karè, in se jé nan’t nal tile mbɔr.

1 Nje Ke Corinthe 11:18

Man m’oo titeke sei ɔri kum nan loo kebe nan’t le si ade i tin-in nan. Tà ke m’oo nè nga, ke nange è kum kuwe.

1 Nje Ke Corinthe 12:12

Krist tò asenan se danran ke karé bere ke aw se balkumnge bule. Kagera doo è karé nè balkum rannge á bulei.

1 Nje Ke Corinthe 14:23

Ke nè á njékebe nange le Nube bere mbak kebi nan loo karé a, ei malang kuwe tami tà tam dooge ke rang gai-gai a tɔ. Njétaakêm-Kristge se njétaakêm-Kristge lé ke geri tàge ke dé tam nga lé reei loo kebe nan’t nè nga tɔ. Ké à tami kedi nè sei mbege lé wa?

1 Nje Ke Corinthe 4:17

Gir’n ke nè á m’ule’n ngonn kotár le’m Timothée kade ra se si dè’t. E doo ke njètaakêm-Krist ke get-get á m’ule’n ra si’t. Timothée nga à olé kêm si dè pa njiye’m ke ɔje dè Krist a, se nyange ke m’ndó njékebe nange le Nube se loo malang a tɔ.

Nje Ke Ephese 3:15

ke girkà ke rara ke danrán éké ke dè nang nè malang ingei ri de ke gete rann’t.

Jacques 2:7

Ké è dé á dé njé nede sei njétaakem̂-Kristge nga lé ɓai wa?

1 Pierre 4:14

Ke nè á dé taje sei tede ri Krist ɓaa, i rai ranel tede Ndil Nube ke njè ndubra nain se si.

1 Pierre 4:16

Nè ke nè á nyankem̂kon ra doo tede k’ee ke è njètaakem̂-Krist ɓaa, maje kade ade ra’n sɔl’n lé, nè maje kade ra Nube’t oiyo tede ri Krist ke è unn.

1 Jean 2:27

Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.

Lookilera’n 3:18

M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.