Nyanra Njekawkulege 11:24 - Nouveau Testament en Gulay 2004

²⁴ Barnabas è doo ke maje. Ndil-Kêmnda se kundekêm taai kêm’n pel-pel. Gir’n ke nè á, kosdooge ngain teli nanmi kade Kuwe-ɓee’t.

Nyanra Njekawkulege 11:24 ပူးပေါင်းရင်းမြစ်များ

Matthieu 12:35

Doo ke maje à tee se nyanra ke maje ke tò kêm ɓengrenn’t ke nata. Doo ke majelé à tee se nyanrage ke majelé ke tò kêm ɓengrenn’t ke nata a tɔ.

Matthieu 19:17

Jésu tel deje dingem nè nga ede nè: – Ké bain i deje’m tà ɔje dè nyan ke maje ɔr njêt’t wa? Doo karé ke njè ra nyan ke maje ɔr njêt goto. Nè Nube kuwe karé bere á è njèra maje. Ke nè á i ndige kaw loo ndikumgajer’t ɓaa, an dè ndukunnge sêw-sêw a, i ra nyan’n a tɔ.

Tà ke Maje ke Luc ndang 23:50

Dingem karé bè ndi tutu, ri’n nè Joseph, ɓee koje’n è Arimathée ɓeekon ke Judée. Dingem nè nga è balkum njégangtàge. E doo ke njèkêm-maje se njè ra nyan danné sêw a tɔ.

Jean 7:12

Doobulege naji nan tà ngain dann de’t ɔji dè Jésu. Njé ke karége tami edi nè: – Jésu è doo ke njèra maje. Njé ke nange tami edi nè: – Ḿ-m̀, Jésu è njè libe kum doobulege.

Nyanra Njekawkulege 11:21

Nube è der-gir njétaakêm-Kristge ade dooge bule ɔsi wan teli undei kêm de dè Kuwe-ɓee Jésu’t.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 24:16

Gir’n ke nè á m’ute’n ra’m kalang m’njiye’n non Nube’t se non dooge se tàgir ke unju nyang-nyang se ndɔge malang.

Nyanra Njekawkulege 5:14

Kosdoo-bulege ngain, dingemge se dinyege ke undei kêm de dè Kuwe-ɓee Jésu’t nga kɔr de in dè made’t ke kété kété.

Nyanra Njekawkulege 6:3

Gir’n ke nè á, ngakon jége, i sangi dingemge ji sejimute dann si’t ɔri de le kade jè tel se kule nobo nyankuse j’umi ji de’t. Nè maje kade ei dooge ke d’ɔr tà le de maje. Maje kade ei dooge ke Ndil-Kêmnda se kumkunju taai ra de pel-pel a tɔ.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nyanra Njekawkulege 6:8

Etienne è doo ke ndutɔr se tɔgmong le Nube taa ra’n pel-pel. E ra nyange ke dum kum se nyankɔbege ke bò dann kosdooge’t.

Nyanra Njekawkulege 9:31

Titeke bè á njékebe nange le Nube bere mbak ke ɓeekon ke Judée se Galilée a, se Samarie teli ndii se kêmlom. Njétaakêm-Kristge rai tɔge a, ilei koje dè Kuwe-ɓee a tɔ. Kɔr de in dè made’t ke kété-kété takul nain ke tɔgmong le Ndil-Kêmnda nain se de.

Nje Ke Rome 15:15

Nè né è bè géa, man m’ede sei tà kum ngonn ke dingem loo bule kêm magtub’t le’m nè. M’ra bè le kolé’n kêm si dè noje ke Nube uwe sem’t nga.

Nje Ke Rome 5:7

Le kade doo karé wei tede le njè ra nyan se dè naje’n nga géa, è nyan ke loo ra’n tur ngain. Bainléa doo karé tò tutu asekum korè tà’n njak le kwei tede doo ke maje.