Nyanra Njekawkulege 11:20 - Nouveau Testament en Gulay 2004

²⁰ Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 11:20 ပူးပေါင်းရင်းမြစ်များ

Matthieu 27:32

Loo ke njérɔge à undei loo le teei se Jésu kawi se’n gide ɓee-bò’t nata ɓaa, ei ingei dingem karé ke ɓee le’n è Cyrène deĵ. Ei undei tɔg dènn’t le kade unn kage-ke-dese le Jésu nga oto. Dingem nè nga ri’n nè Simon.

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Nyanra Njekawkulege 11:19

Njétaakêm-Kristge ke yali nan karé-karé tede nyantosowur ke unn gir dè Etienne nga aw sár tee dè nang ke Phénicie se Chypre a, se Antioche a tɔ. Kêm ndɔnge’t nè, njétaakêm-Kristge ilei mber tà le Nube adi Juipge kuwe se kar de bere luk-luk, m ilei mber adi girkoje dooge ke rang lé.

Nyanra Njekawkulege 11:22

Loo ke tà nè oso mbi njékebe nange le Nube ke Jérusalem ɓaa, ei ɔri Barnabas ulei nin adi aw sár tee kêm ɓee-bò ke Antioche.

Nyanra Njekawkulege 11:26

Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 11:27

Kêm ndɔge ke Barnabas se Saul ndii kêm ɓee-bò ke Antioche ɓai nga, njéribe-dè-tàge ke tà Nube’t in-in Jérusalem reei Antioche.

Nyanra Njekawkulege 13:1

Njékebe nange le Nube ke ndii kêm ɓee-bò ke Antioche, ɓeekon ke Syrie nga, njéribe-dè-tàge ke tà Nube’t se njéndó dooge nyan ndii tutu. Dooge nè nga, ri de a tò nè: Barnabas a, Siméon ke dé ɓar’n «Niger» a, Lucius doo ke Cyrène a, Manaen ke ndɔ ke d’oto de nan’t se Hérode Antipas a, se Saul a tɔ. Ɓeekon ke Galilée nga, dé gaje danné loo sɔ. Hérode Antipas on ɓee dè gaje’n karé.

Nyanra Njekawkulege 14:26

Paul se Barnabas ndai loon’t nè ali kêm bato’t teli wan reei kêm ɓee-bò ke Antioche, ɓeekon ke Syrie gugu. Antioche nè nga, è loo ke ndɔ ke kété d’um’n de ji Nube’t kade an dè de ɔje’n dè kule ke d’ɔr son’n ɗarinè nga.

Nyanra Njekawkulege 15:22

Njékawkulege se ngatɔgege a, se njékebe nange le Nube bere mbak ɔji njáng le kɔr dooge joo dann de’t le kule de kade awi se Paul se Barnabas kêm ɓee-bò ke Antioche, ɓeekon ke Syrie. Dooge ke d’ade awi nan’t se Paul se Barnabas nga è Jude ke dé ɓar’n Barsabbas a, Silas a tɔ. Jude se Silas nga ei ngawtà njétaakêm-Kristge ke ndii kêm ɓee-bò ke Jérusalem.

Nyanra Njekawkulege 15:23

Dé ndang magtub d’ade de ji de’t se tàge ke nè d’ede nè: «Jè njékawkulege se ngatɔgege a, se njétaakêm-Kristge a tɔ, jè ndang magtub nè j’ade sei njétaakêm-Kristge ke sei Juipge lé ke i ndii kêm ɓee-bò ke Antioche, ɓeekon ke Syrie se Cilicie. Jè ner sei.

Nyanra Njekawkulege 15:30

Go’t gugu d’inye njé ke d’ule de d’ade ɔti awi kêm ɓee-bò ke Antioche, ɓeekon ke Syrie. Loo ke ei awi teei Antioche ɓá ɓaa, ei kebi njétaakêm-Kristge adi de magtub ke dé ndang d’ade de nè nga.

Nyanra Njekawkulege 17:18

Baw nyangerge ke nange ke ei njé ndó nyange le Epicure se Zénon ɔji tà se Paul. Njé ke karége tami edi nè: – Ké tà ri á hel kêm-ngarr nè ndige tam wa? Njé ke rang tami edi nè: – J’an titeke doo nè nga è njè kile mber le Nube ke mbage. Dé tam bè tede Paul ile mber Tà ke maje le Jésu a, se tà kunde loo tee le’n dann njé ke koo’t a tɔ.

Nyanra Njekawkulege 18:22

E ree rise nanga kêm ɓee-bò ke Césarée. E aw ra lapya njékebe nange le Nube ke kêm ɓee-bò ke Jérusalem ɓita in aw kêm ɓee-bò ke Antioche ɓai.

Nyanra Njekawkulege 2:10

se ɓeekon ke Phrygie se Pamphylie se Egypte se njé ke in-in kêl ɓeekon ke Libye kɔte Cyrène se njé ke ei mbage ke in-in Rome reei ndii nè a tɔ.

Nyanra Njekawkulege 4:36

Titeke bè á Joseph, ke njékawkulege ilei ri tɔyi’n nè Barnabas aw se loo ndɔr le’n. Barnabas nga tel se tà koje jéi ɓaa, è «Ngonn Njèkule dingem kêm madennge’t.» Joseph nga è girkà le Lévi njèkuje nyan-mese. Ɓee koje’n è Chypre.

Nyanra Njekawkulege 5:42

Se ndɔ karé-karé malang, njékawkulege ebi ra de dè ndó nyan dooge éké kile mber Tà ke Maje le Jésu-Krist nga lé. Dé ra titeke bè kêm kei le Nube a, se kêm kei-kei a tɔ.

Nyanra Njekawkulege 6:1

Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nyanra Njekawkulege 6:9

Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nyanra Njekawkulege 8:35

Philippe ile mber Tà ke Maje le Jésu ade doo ke Ethiopie se go tà ke doo nè tute kêm magtub’t le Esaie nè nga kuwe.

Nyanra Njekawkulege 8:5

Nè Philippe aw kêm ɓee-bò karé ke Samarie ile mber tà le Krist tutu ade dooge.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nyanra Njekawkulege 9:29

Saul ɔje tà se Juipge ke tami tà grec a, naje se de tà a tɔ. Nè ei nè nga sangi le kade dé tɔl’n.

1 Nje Ke Corinthe 2:2

Kété ke m’ee dann si’t nga, m’aw ndoo ger nyan karé ke rang ra si’t lé, nè Jésu-Krist ke dé ɓer’n kàde kage-ke-dese’t kuwe karé bere.

Nje Ke Galatie 2:11

Nè loo ke Pierre ree kem̂ ɓee-bò ke Antioche ɓeekon ke Syrie ɓaa, m’in se’n dè nyanra’n ke se go rebe’n lé tàkum dooge’t.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.