Nyanra Njekawkulege 11:19 - Nouveau Testament en Gulay 2004

¹⁹ Njétaakêm-Kristge ke yali nan karé-karé tede nyantosowur ke unn gir dè Etienne nga aw sár tee dè nang ke Phénicie se Chypre a, se Antioche a tɔ. Kêm ndɔnge’t nè, njétaakêm-Kristge ilei mber tà le Nube adi Juipge kuwe se kar de bere luk-luk, m ilei mber adi girkoje dooge ke rang lé.

Nyanra Njekawkulege 11:19 ပူးပေါင်းရင်းမြစ်များ

Matthieu 10:6

Nè è soo’t kade awi kum si ke ra batege ke kêm ɓeekon ke Israel nga kété ɓita.

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 11:22

Loo ke tà nè oso mbi njékebe nange le Nube ke Jérusalem ɓaa, ei ɔri Barnabas ulei nin adi aw sár tee kêm ɓee-bò ke Antioche.

Nyanra Njekawkulege 13:1

Njékebe nange le Nube ke ndii kêm ɓee-bò ke Antioche, ɓeekon ke Syrie nga, njéribe-dè-tàge ke tà Nube’t se njéndó dooge nyan ndii tutu. Dooge nè nga, ri de a tò nè: Barnabas a, Siméon ke dé ɓar’n «Niger» a, Lucius doo ke Cyrène a, Manaen ke ndɔ ke d’oto de nan’t se Hérode Antipas a, se Saul a tɔ. Ɓeekon ke Galilée nga, dé gaje danné loo sɔ. Hérode Antipas on ɓee dè gaje’n karé.

Nyanra Njekawkulege 13:4

Ndil-Kêmnda ule Barnabas se Saul ade awi kêm ɓee-bò ke Séleucie. Taɓai ei ndai ke loon’t nè ali kêm bato’t awi kum de ke Chypre.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 14:26

Paul se Barnabas ndai loon’t nè ali kêm bato’t teli wan reei kêm ɓee-bò ke Antioche, ɓeekon ke Syrie gugu. Antioche nè nga, è loo ke ndɔ ke kété d’um’n de ji Nube’t kade an dè de ɔje’n dè kule ke d’ɔr son’n ɗarinè nga.

Nyanra Njekawkulege 15:22

Njékawkulege se ngatɔgege a, se njékebe nange le Nube bere mbak ɔji njáng le kɔr dooge joo dann de’t le kule de kade awi se Paul se Barnabas kêm ɓee-bò ke Antioche, ɓeekon ke Syrie. Dooge ke d’ade awi nan’t se Paul se Barnabas nga è Jude ke dé ɓar’n Barsabbas a, Silas a tɔ. Jude se Silas nga ei ngawtà njétaakêm-Kristge ke ndii kêm ɓee-bò ke Jérusalem.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 15:30

Go’t gugu d’inye njé ke d’ule de d’ade ɔti awi kêm ɓee-bò ke Antioche, ɓeekon ke Syrie. Loo ke ei awi teei Antioche ɓá ɓaa, ei kebi njétaakêm-Kristge adi de magtub ke dé ndang d’ade de nè nga.

Nyanra Njekawkulege 15:35

Nè né è bè géa Paul se Barnabas ndii kêm ɓee-bò ke Antioche, ɓeekon ke Syrie. Ei se dooge ke rang bule ndói dooge nyan kum de ke kété-kété a, ilei mber Tà ke Maje le Kuwe-ɓee a tɔ.

Nyanra Njekawkulege 15:39

Wong ra de dè nan’t ade nanan géa unn rebe ke le’n-le’n. Barnabas ɔr Marc ile’n goon’t ali kêm bato’t awi kum de ke ɓee le’n ke Chypre.

Nyanra Njekawkulege 18:22

E ree rise nanga kêm ɓee-bò ke Césarée. E aw ra lapya njékebe nange le Nube ke kêm ɓee-bò ke Jérusalem ɓita in aw kêm ɓee-bò ke Antioche ɓai.

Nyanra Njekawkulege 21:16

Njétaakêm-Kristge ke nange ke Césarée danni jè awi se jé kêm kei le doo karé bè ke ri’n nè Mnason le kade jè tò tutu. Mnason nè nga è njètaakêm-Krist ke mari, ɓee koje’n è Chypre.

Nyanra Njekawkulege 21:2

Loo ke j’inge bato karé ke ayé gang mann kaw ɓeekon ke Phénicie ɓaa, j’al kêmé j’aw.

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nyanra Njekawkulege 4:36

Titeke bè á Joseph, ke njékawkulege ilei ri tɔyi’n nè Barnabas aw se loo ndɔr le’n. Barnabas nga tel se tà koje jéi ɓaa, è «Ngonn Njèkule dingem kêm madennge’t.» Joseph nga è girkà le Lévi njèkuje nyan-mese. Ɓee koje’n è Chypre.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nje Ke Galatie 2:11

Nè loo ke Pierre ree kem̂ ɓee-bò ke Antioche ɓeekon ke Syrie ɓaa, m’in se’n dè nyanra’n ke se go rebe’n lé tàkum dooge’t.