Nyanra Njekawkulege 11:18 - Nouveau Testament en Gulay 2004

¹⁸ Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 11:18 ပူးပေါင်းရင်းမြစ်များ

Matthieu 9:8

Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Nyanra Njekawkulege 11:1

Njékawkulege se njétaakêm-Kristge ke ndii kêm ɓeekon ke Judée ooi titeke njé ke ei Juipge lé géa taai tà le Nube ke le de tɔ ta.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 21:20

Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.

Nyanra Njekawkulege 3:19

I turi hal si ɔsi wan i teli ke ra Nube’t le kade bɔr kaiyage le si kɔke.

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nyanra Njekawkulege 5:31

E nga Nube unn’n unde’n dè jikonn’t ade è njè kunde gir kaje le dooge. Nube ra titeke bè le kade dooge ke kêm ɓeekon ke Israel turi hal de ingei kêm tin mbit dè kaiyage’t le de.

Nje Ke Rome 9:30

Ké j’à tami kedi nè ri wa? Dooge ke ei Juipge lé ke sangi le kade tà ɔr dè de’t lé nga, Nube ɔr tà dè de’t takul kundekêm.

2 Nje Ke Corinthe 3:18

Jèi malang ke d’ɔr tà kubu nè kum jéi’t kɔke nga, j’adi ndubra le Kuwe-ɓee kile ra’n ke nata asenan se kuturam bè. Jèi nga dé tel jèi ke kum gute tà Kuwe-ɓee. E nga ndubra le’n ke in dè made’t ke kété-kété nga tel è ndubra le jéi. E ke nè á è kule ra Ndil Kuwe-ɓee ke ra tede le jéi.

2 Nje Ke Corinthe 7:10

Kumndoo ke se go kêmndige le Nube nga à ade doo à tur’n hal’n kinge’n kaje m à tel ndinge ra’n gugu lé. Nè kumndoo ke in ra dooge ke dè nang nè nga oje yo.

Nje Ke Galatie 1:24

Njétaakem̂-Kritsge ke Judée ɗɔyi Nube tede tà le’m man.