Nyanra Njekawkulege 11:16 - Nouveau Testament en Gulay 2004

¹⁶ E á kêm olé’n dè tà ke ndɔ ke Kuwe-ɓee tam ede nè: « Ndɔ ke Jean ule dooge manné njonm, nè sei ɓaa d’a d’ɔr sei kunde sei se ninn si se Ndil-Kêmnda.»

Nyanra Njekawkulege 11:16 ပူးပေါင်းရင်းမြစ်များ

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Matthieu 3:6

Dooge nè nga malang reei ra Jean’t ɔri gir kaiyage le de ke nata adi nin ade ule’n de manné njonm dann ba ke Jourdain.

Marc 1:8

Ma m’ule sei manné njonm, nè è ɓaa à ɔr sei kunde sei se ninn’n se Ndil-Kêmnda.

Tà ke Maje ke Luc ndang 24:8

Ke loon’t nè kuwe kêm de olé dè tàge ke ndɔ ke Jésu ede de.

Tà ke Maje ke Luc ndang 3:16

Nè Jean ede de ndàt ede nè: – Man m’ɔr sei kunde sei se ninn si gai se mann. Nè doo karé ke tɔgmong le’n dum dè le’m à ree goom’t non. Man m’ase tutu sa ke njann’t lé. Doo nè nga, à ɔr sei kunde sei se ninn’n gai se Ndil-Kêmnda a, se por a tɔ.

Jean 1:26

Jean tel ile de dè’t ede nè: – Man ɓaa, mann á m’ule dooge tutu njonm karè. Nè doo karé ke sei gerii lé nda dann si’t laa.

Jean 1:33

Man m’ger’n kété lé ɓai, nè è ke njèkule’m kade m’ule dooge manné njonm nga ede’m ede nè: «E ke Ndil à in dɔ le ree ndi dènn’t nga á è njèkɔr dooge kunde de se ninn’n gai takul Ndil-Kêmnda.»

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 16:4

Nè man m’ede sei tà nyange nè nga kété tede kade loo ke kàde’n le de à tee ɓaa, kêm si olé’n dè tàge ke kété m’ede sei’t nga. Man m’ede sei tà nyange nè nga kété lé tede nain ke m’nain se si ɓai.

Nyanra Njekawkulege 1:5

Jean ule dooge manné njonm kété, nain ndɔ ngain lé kade d’ɔr sei d’unde sei se ninn si gai se Ndil-Kêmnda ɓai.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

1 Nje Ke Corinthe 12:13

Oiyo, né Juipge se njé ke ei Juipge lé, né ee’n ɓerge éké njé ndi dè palge géa, ndɔ ke d’ule jéi manné njonm d’ade j’umi nan’t bɔk se Ndil-Kêmnda ke karé nè kuwe. Jèi malang jè teli jèi danra ke karé bere ke j’an-in mann ke an-in kutch-kutch ke in ra Ndil-Kêmnda’t.

2 Pierre 3:1

Kótarge le’m, magtub ke m’ndang nè nga, è njèkon’t joo. Kem̂ è ke kété’t se è ke ɗarinè, m’ndige le kolé kem̂ si kade tàgir le si aw maje dè nyange ke ndɔ ke m’ndó sei nga.