Nyanra Njekawkulege 11:13 - Nouveau Testament en Gulay 2004

¹³ E ɔrgir nyan ke tee dènn’t ede jè ede nè: «M’an doo ke danrán ree goom’t kei ede’m ede nè: Ule Joppé i ɓar Simon ke d’ile ri tɔyi’n nè Pierre ade ree.

Nyanra Njekawkulege 11:13 ပူးပေါင်းရင်းမြစ်များ

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 11:12

Ndil-Kêmnda ede’m le kade m’aw se de anje tile mbɔr. Njétaakêm-Kristge mute-mute ke ndai nè nga ndɔ ke danni man awi se’m Césarée kei le Corneille.

Nyanra Njekawkulege 11:14

Simon à ede sei tàge kade aje’n, i se njékêmkeige lei malang.»

Nyanra Njekawkulege 12:11

Loo ke kum Pierre gang dè rann’t ɓaa è tam ede: – Kerɔte kuwe, ɗarinè m’ger titeke Kuwe-ɓee kuwe ule doo le’n ke danrán ade ree ɔr’m wont ji Hérode’t. E ree ɔr’m dann nyan ke kos Juipge malang ndii nginei tchên nga a tɔ.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

Nyanra Njekawkulege 9:38

Ɓee ke Joppé nga tò ngɔr se ɓee ke Lidda. Loo ke njékuwegir-Jésuge ooi titeke Pierre ndi kêm ɓee ke Lidda ɓaa, ei ulei dingemge joo rann’t. Dooge joo ke d’ule de rann’t nga, ndêti nin edi nè: – Kɔkrɔ karè, in se jé nan’t nal tile mbɔr.

Nyanra Njekawkulege 9:42

Kɔbe nyan ke tee nè nga oso se loo mbit-mbit kêm ɓee ke Joppé ade dooge malang geri. Dooge ngain undei kêm de Kuwe-ɓee’t takul nyan nè nga.

Nyanra Njekawkulege 9:43

Pierre ra ɓee Joppé kêm kei le Simon ke njè kɔr gide ndar ade kuru’n ebe ɗak.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?