Nyanra Njekawkulege 10:7 - Nouveau Testament en Gulay 2004

⁷ Loo ke doo ke danrán ke nda ɔje’n se’n tà ɔte aw ɓá ɓaa, ke loon’t nè kuwe, Corneille ɓar ngann njéndige le’n joo se njèrɔ karé ke ilei koje dè Nube’t. Dooge ke mute ke Corneille ɓar de le kule nga ei dann dooge ke rai kule girn’t mari sár tee ɓila.

Nyanra Njekawkulege 10:7 ပူးပေါင်းရင်းမြစ်များ

Matthieu 2:13

Loo ke baw-nyangerge ɔti awi ɓá ɓaa, an! doo ke danran le Kuwe-ɓee tee hɔi ke ra Joseph’t se ni ede’n ede nè: – Ɔse nang in, unn ngonn ke kide nè nga se kon’n an-in se de aw se de ɓeekon ke Egypte. I ndi tutu nú sár kade man kuwe m’edi ɓita i tel i ree ɓai tede Hérode sang le tɔl ngonn ke kide nè nga.

Tà ke Maje ke Luc ndang 2:25

Dingem karé bè, ri’n nè Siméon, è ndi kêm ɓee-bò ke Jérusalem. Dingem nè nga, è njè ra nyan se dè naje’n tàkum Nube’t a, è njè kile koje dènn’t a tɔ. E ndi ngine è ke njèkaje ngannkà Israel nga tchên. Ndil-Kêmnda nain se Siméon.

Tà ke Maje ke Luc ndang 3:14

Njérɔge ke le de tɔ dejii edi nè: – A jè ɓaa, ké ri á tò ɔje dè jé tɔ wa? Jean tel ile de dè’t ede nè: – Ulei ɓel kêm doo’t éké i banmi doo i taai nyan le’n lé a, i têti tà undei tà doo’t i taai nyan le’n lé a tɔ. Nè umi kêm si dè nar kuge dè ji si’t kuwe.

Nyanra Njekawkulege 10:6

Simon Pierre nga tò ɓee le Simon karé ke njèkɔr gide ndarge. Simon ke njèkɔr gide ndar nga, kei le’n tò tà ba-kate’t ngɔr.

Nyanra Njekawkulege 10:8

E ɔrgir nyan ke tee dènn’t nè nga kêrêr-kêrêr ade ooi ɓita ule de kêm ɓee ke Joppé ɓai.

1 Timothee 6:2

Ɓerge ke kuwe dege ei njétaakem̂-Kristge nga, ei à kilei koje dè kuwe dege’t nè m ei à kidi de tede k’ei ke ei njétaakem̂-Kristge bè lé. Nè gar-gar ei à rai kule maje dum ke kété kadi de, tede kuwe dege ke dé ra kule maje d’ade de nè nga ei kotárge le Nube. I ndó de tà nyange nè a, i ndeje de a tɔ.

Philemon 1:16

Tel ke i tel inge’n nga, maje kade an’n asenan se ɓer karè lé ta, nè è soo’t dum ɓer. Maje kade ɗarinè ɓaa i an’n ke kotár le’m man kuwe mbain. I géa, maje kade an’n ke kotár lei gir danra’t a, è kotár lei ke njètaakem̂-Krist madi.