Nyanra Njekawkulege 10:48 - Nouveau Testament en Gulay 2004

⁴⁸ Pierre unn ndu’n ade d’ule de manné njonm se ri Jésu-Krist. Njé ke d’ule de manné njonm nè nga deji Pierre edi nè: – I ndi se jé ndêin ɓita.

Nyanra Njekawkulege 10:48 ပူးပေါင်းရင်းမြစ်များ

Jean 4:2

Nè ei njékuwegir-Jesuge á ndɔ ke ulei dooge manné njonm m è Jésu kuwe lé.

Jean 4:40

Loo ke dooge ke ɓeekon ke Samarie reei teei ra Jésu’t ɓaa, ei deji nin le kade ndi se de ndêin ɓita in aw rang ɓai. E ndi se de ndɔ joo ɓita in aw kété ɓai.

Nyanra Njekawkulege 16:15

Loo ke d’ule Lydie manné njonm se njékêmkeige le’n ɓá ɓaa, è ɓar jè ede nè: – Ke nè á an-in man ke njètaakêm-Krist kerɔte ɓaa, i reei awi se’m ɓéee i ndii se’m ndêin ɓita. E aw se jé kabr-kabr ade j’aw se’n kêm kei le’n.

Nyanra Njekawkulege 19:5

Loo ke d’oo tà nè bè ɓaa, d’ade d’ule manné njonm se ri Kuwe-ɓee Jésu.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 8:12

Nè ɗarinè loo ke Philippe ile mber Tà ke Maje ke ɔje dè ɓeekon le Nube se ri Jésu-Krist ade de ɓaa, dingemge se dinyege ke umi kêm de dè tà’t le’n nga, adi d’ule de manné njonm.

Nyanra Njekawkulege 8:16

Tede dooge malang ke d’ule manné njonm se ri Kuwe-ɓee Jésu nga, doo karé bè géa inge Ndi-Kêmnda lé ɓai.

Nje Ke Galatie 3:27

Sei malang d’ulei sei manné njonm se ri Krist nga, sei teli taai nan se Krist.