Nyanra Njekawkulege 10:38 - Nouveau Testament en Gulay 2004

³⁸ Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 10:38 ပူးပေါင်းရင်းမြစ်များ

Matthieu 12:15

Loo ke Jésu ger titeke Pharisienge ɔri nan tà dènn’t le kuwe’n tɔl’n ɓaa, è inye loo nè ɔr ra’n aw rang. Kosdoo-bulege ngain ndolèi goo’n. E ɔr ratur ra de’t malang.

Matthieu 12:28

Ke nè á m’rɔ ndilge ke majelé se tɔgmong le Nube ɓaa, è tà le kade i geri titeke Konɓee le’n ube sei nang ɓá ta.

Matthieu 9:19

Jésu se njékuwe-girnge in-in kalang awi goon’t.

Matthieu 9:35

Jésu aw se kêm ɓee-bòge se ngann ɓeege malang ndó dooge nyan kêm kei kebe nange’t le de. E ile mber Tà ke Maje ke ɔje dè Konɓee le Nube ade de a, è ɔr ratur ra njératurge’t se njé ke kêl ra de wei tonrin a tɔ.

Marc 6:6

Tà ige Jésu sêl dè kunn mbi dè tà’t le doobulege. Jésu ɔte aw se ngann ɓeege ke gan-in dè Nazareth gêrêr ndó dooge nyan.

Tà ke Maje ke Luc ndang 3:22

Ndil-Kêmnda ree uwe dènn’t ade d’an tò asenan se der-nda bè. Ndu Nube ɓar danrán nú ede nè: – I nga i ngonn’m ke m’tári ngain. Ra’m nel’m dè kɔr ke m’ɔri’t nga ngain a tɔ.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Tà ke Maje ke Luc ndang 9:42

Loo ke bɔ ngonn nè à ree se’n ɓaa, ndil ke majelé unn ngonn nè ile’n nang njanm ade sure mbangang-mbangang. Nè Jésu in se ndil ke majelé nè nga ndáng’n. E aje ngonn nè nga tel ule’n ji bɔn’t.

Tà ke Maje ke Luc ndang 9:56

Dé d’ɔte d’aw kêm ngonn ɓee karé ke rang.

Jean 10:32

Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 16:32

An! kàde’n à ree, è ree ɓá a tɔ. D’ade sanrin sei karé- karé. Nanan géa à aw loo le’n-le’n, a inyei man se kar’m bere. Man se kar’m lé nè Bɔ’m è der-gir’m.

Jean 3:2

Dingem nè nga ree inge Jésu ndɔɔ ede’n ede nè: – Ngar, jè ger titeke Nube ulei kade i ndó jè nyan. Tede ke nè á Nube è der gir doo lé ɓaa, è asekum ra nyankɔbege titeke i ra’n nga lé.

Jean 3:34

E ke Nube ule’n nga ɔrgir tàge le Nube, tede Nube ade’n Ndil se girson’n bere mbak.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Nyanra Njekawkulege 10:37

Nyan ke Nube ra kêm ɓeekon ke Judée bere mbak nga, sei geri ɓá. Jésu-Krist unn gir kile mber tà le’n kêm ɓeekon ke Galilée utu’n go mber kule dooge manné njonm ke ndɔ ke Jean ile.

Nyanra Njekawkulege 2:22

– Sei dooge ke Israel, i neli mbi si maje ooi tà ke m’a m’ede sei: Jésu ke Nazareth nga sei geri nin ɓá. E doo ke ndɔ ke Nube kuwe ule ji’n njung dènn’t ɔr’n unde’n se ninn’n gai. Nube ade ra nyankɔbege se nyange ke dum kum a, se nyan-tɔjege dann si’t ade i geri ɓá a tɔ.

Hebreuge 1:9

I unde nyanra ke se dè naje’n dann kumi’t a, i ɔr nyanra ke se dè naje’n lé nga njêt a tɔ. Hei! Nube, gir’n ke nè á Nube lei ɔri dann njémade loo kawge’t lei ndum’n wubu ranel dèi’t.»

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

1 Jean 2:20

Nè sei ɓaa, sei dooge ke è Krist kuwe ndum wubu dè si’t unde sei gai. Gir’n ke nè á sei malang i geri Nube ke get.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.