Nyanra Njekawkulege 10:34 - Nouveau Testament en Gulay 2004

³⁴ Pierre tel unn tà tam ede nè: – Kerɔte kuwe, ɗarinè m’ger titeke Nube è njè ndête kum doo karé lé.

Nyanra Njekawkulege 10:34 ပူးပေါင်းရင်းမြစ်များ

Matthieu 22:16

Pharisienge ɔri pajage le de se njé le Hérode ulei de ra Jésu kade deji nin edi nè: – Njèndó dooge nyan, jè ger titeke i i njè kusu dè tà lé a, rebe nyange ke Nube ɔje ke i ndó dooge nga è ngarankum tà kerɔte kuwe. I i njè ndête kum doo karé bè tede nyankinge’n éké tede girkoje le’n lé a tɔ.

Matthieu 5:2

E unn gir ndó de nyan ede nè:

Tà ke Maje ke Luc ndang 20:21

Njéra gosge nè nga deji Jésu edi nè: – Njèndó dooge nyan, jè ger titeke tà tami se nyan ke i ndó dooge è se dè naje’n kuwe. Jè ger mbak titeke i ndête kum doo karé bè tede nyankinge’n éké girkoje le’n lé. Nè tà ke i ndó dooge ɔje dè rebe ndikumgajer le Nube nga è ngarankum tà kuwe.

Nyanra Njekawkulege 10:33

Ke loon’t nè kuwe, m’ule m’ɓari ɓaa, i ra maje in i ree tɔ. Ɗarinè jè malang jè ndi non Nube’t le koo tàge malang ke Kuwe-ɓee ule tài’t le kade ede jè nga ta.

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

Nyanra Njekawkulege 8:35

Philippe ile mber Tà ke Maje le Jésu ade doo ke Ethiopie se go tà ke doo nè tute kêm magtub’t le Esaie nè nga kuwe.

Nje Ke Rome 2:11

Kerɔte kuwe, Nube è njè ndête kum doo karé bè lé.

Nje Ke Rome 3:29

Ké Nube nga è Nube le Juipge kuwe se kar de wa? Ké è Nube le njé ke ei Juipge lé nga tɔ lé wa? Loo naje’n goto, Nube nga è Nube le dooge ke ei Juipge lé nga tɔ.

Nje Ke Galatie 2:6

Njé ke d’an de ke dooge ke bòi nonm’t kété nga usu’m nyan karé dè de’t lé. Nube nga è njè ndête kum doo karé bè lé. Njé ke d’an de ke dooge ke bòi nga, dé ndoo’m nyan ke kige karé bè lé.

Nje Ke Ephese 6:9

Sei kuwe dege géa, i rai se de maje titeke bè tɔ. Ebi ra si dè ra se de majelé. Sei geri mbak titeke kuwe si sei se de nga ndi danrán non. Kuwe si nga è njè ndête kum doo karé bè ndan lé.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

Nje Ke Colosses 3:25

Nanan ke ra nyan ke nal naje’n ɓaa à inge nyan ke ɔje dè nyanra ke se dè naje’n lé le’n è kuwe. Oiyo, ndête kum doo goto ra Nube’t.

Jacques 2:1

Ngakonmge, sei undei kem̂ si dè Kuwe-ɓee’t le jéi Jésu-Krist ke d’ile riɓar dènn’t ɓá. Ɔri kum dooge lé, tede kɔr kum dooge nga uwe made nan se kundekem̂ dè Krist’t lé.

Jacques 2:4

Ke nè á sei rai titeke bè, à ɓaa ké è kɔr kum nan ke sei ɔri dann si’t lé ɓai wa? Ké è tà ke sei kuwe in-in kalang i gangi dè nan’t se go tàgirge ke majilé ke dè ɓengre si’t lé wa?

Jacques 2:9

Ke nè á sei ɔri kum dooge ɓaa, i rai majelé karé ɓá ta. Gute-ndu ile tà dè si’t tede sei ali tà tànn’t.

1 Pierre 1:17

Nube ke njè ndête kum doo lé nga á ke njègangtà dè nanan géa se go kule ra’n-ra’n nga, sei ɓari nin Bɔ si. Bè ɓaa, i ɓeli ndil’n loo ke sei i nain-in ke mbage bè dè nang nè ɓai.