Nyanra Njekawkulege 10:31 - Nouveau Testament en Gulay 2004

³¹ «Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.

Nyanra Njekawkulege 10:31 ပူးပေါင်းရင်းမြစ်များ

Tà ke Maje ke Luc ndang 1:13

Nè doo ke danrán ke Kuwe-ɓee ule’n nga ede Zacharie ede nè: – Ebe rai ɓel, Zacharie, ndinge ndoo lei oso mbi Nube’t. Dinye lei Elisabeth à oje ngonn ke dingem. I a kile ri’n nè Jean.

Nyanra Njekawkulege 10:30

Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Nyanra Njekawkulege 10:32

Ule kêm ɓee ke Joppé, i ɓar Simon karé ke ri tɔyi’n nè Pierre ade ree. E tò kei le Simon ke njèkɔr gide ndar. Simon ke njèkɔr gide ndar nga, kei le’n tò tà ba-bò kate’t ngɔr.»

Nyanra Njekawkulege 10:4

Corneille an doo ke danrán kàt-kàt, ɓel unde’n ndàt gang’n ade deje’n ede nè: – Kuwe-ɓee, è ri wa? Doo ke danran ile Corneille dè’t ede nè: – Kɔje tàge se noje-kuwege lei nga awi teei ra Nube’t. Gir’n ke nè á kêm’n olé’n dèi’t ɓila.

Nje Ke Philippes 4:18

Nyan malang ke ndɔ ke ulei nga m’inge ade ase’m nák-nák. Ɗarinè m’inge nyan malang ke m’aw ndoo’n tede Epaphrodite ree se nyan-nojege le si ke ulei ade’m. E nyan-noje ke ete sununu asenan se nyankuje-mese ke ujei adi Nube a, taa kum’n a tɔ.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

Lookilera’n 5:8

Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.