Nyanra Njekawkulege 10:30 - Nouveau Testament en Gulay 2004

³⁰ Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Nyanra Njekawkulege 10:30 ပူးပေါင်းရင်းမြစ်များ

Matthieu 28:3

Ra’n ndoin tite ndi ke têl a, kubu ke rann’t nda káng-káng tite kew bè a tɔ.

Marc 16:6

Ngonn basa nè nga ede de ede nè: – Adi ndil si tee an-in soin-soin lé. Sei sangi Jésu ke Nazareth ke ndɔ ke dé tɔl’n kàde kage-ke-dese’t nga; Nube ade unde loo tee dann njé ke koo’t ɓá. E goto loo ke nè’t. An-in! è loo ke nè á ndɔ ke d’unde ninn’n tutu.

Tà ke Maje ke Luc ndang 24:4

Dé tel dé nda giw ɓaa, an! ke loon’t nè kuwe doo ke danránge joo ke Nube ule de undei loo teei hɔi ra de’t se kubuge ke ndoin kein-kein.

Nyanra Njekawkulege 1:10

Loo ke Jésu in à aw ke danrán nga, njékawkulege an-in goo’n sikm. An! dingemge joo undei loo teei ndai se kubuge ke nda káng-káng ra de’t. Ei deji njékawkulege nga edi nè:

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 10:29

Gir’n ke nè á loo ke sei ɓari man ɓaa, m’in kalang m’ree m m’gak lé. Ɗarinè m’deje sei kade edi man gir nyan ke ulei kule i ɓari man nga.

Nyanra Njekawkulege 10:3

Ndɔ karé bè, ase kàde mute ke loo sɔlé, nyan pinde’n. Doo ke danran ke Nube ule’n aw goon’t kei ade an’n njai-njai. Doo ke danran le Nube nga ɓar Corneille ede nè: – Corneille!

Nyanra Njekawkulege 10:31

«Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.

Nyanra Njekawkulege 3:1

Ndɔ karé bè, loo ke kàde tel ra’n se mbɔr’n, Pierre se Jean à awi ke kêm kei’t le Nube le kɔji se’n tà.