Nyanra Njekawkulege 10:27 - Nouveau Testament en Gulay 2004

²⁷ Pierre ɔje tà se Corneille dɔ-dɔ aw’n se’n kêm kei. E inge dooge ngain ke kebi nan kêm kei le Corneille ndi nginei nin.

Nyanra Njekawkulege 10:27 ပူးပေါင်းရင်းမြစ်များ

Tà ke Maje ke Luc ndang 24:14

D’a d’ɔje nan tà dè nyange malang ke teei nè nga.

Jean 4:35

Ɗarinè nan sa ko nain sɔ ta, ké i tami bè lé wa? Nè man m’ede sei: Unni kum si an-in koge idi kum sa ɓá ta.

Nyanra Njekawkulege 10:24

Ndɔ ke rang ke njè kutu go made ɓaa, dé tee kêm ɓee-bò ke Césarée. Corneille ɓar njénojege le’n se madennge ke è tár de ngain ndii nginei de tchên.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

1 Nje Ke Corinthe 16:9

Tà rebe teen ra’n inye wei bendeng ade’m kade m’ra kule kêm ɓee-bò ke Ephèse nè nga. Nè njébange le’m á bulei ngain tutu.

2 Nje Ke Corinthe 2:12

Loo ke Kuwe-ɓee ɔr tà rebe ade m’ree kêm ɓee-bò ke Troas ɓaa, è gɔl loo ke kanm ade m’ile mber Tà ke Maje le Krist tutu.

Nje Ke Colosses 4:3

Ɔji tà se Nube tede tà le jé tɔ. Titeke bè á è à ɔr’n tà rebe kade j’ile’n mber tà le’n. I deji nin le kade ɔr tà rebe ade j’ile’n mber tà le Krist ke tò loo ɓɔyɔn’t ɓai nga. E tede tà le Krist á ɓila m’ndii’n se sulge jim’t.