Nyanra Njekawkulege 10:22 - Nouveau Testament en Gulay 2004

²² Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 10:22 ပူးပေါင်းရင်းမြစ်များ

Matthieu 1:19

Joseph njènong le Marie nga, è doo ke njèra nyan se dè naje’n. E ndige le tel Marie ke kurkogo le dooge lé. E ɔje kêmn’t le mbate’n se go ngein.

Matthieu 2:12

Nube ede de se nin le kade dé tel ree ra Hérode’t gugu lé. E á d’unn rebe ke rang dé tel d’aw ɓeekon’t le de.

Marc 6:20

Hérode Antipas ile koje dè Jean’t ngain. E ger’n ke doo ke njè ra nyan se dè naje’n a, se doo ke tò se ninn’n a tɔ. E an dè Jean sêw-sêw, nè loo ke è oo tà le’n ɓaa, tàgir le’n aw yo-yo, nè-nè. Nè né è bè géa, Hérode Antipas ur mbi’n oo’n tà le Jean se ranel.

Marc 8:38

Man Ngonn doo nga m’a m’tel ree dann ndubra’t le Bɔ’m se njékêmndage ke danrán. Nanan ke ra’n sɔl’n dèm’t se dè tà’t le’m non njé ra majelége ke njé mbate Nubege ke ndii dè nang nè ɓaa, man Ngonn doo nga géa ra’m à sɔl’m dènn’t tɔ.

Tà ke Maje ke Luc ndang 2:25

Dingem karé bè, ri’n nè Siméon, è ndi kêm ɓee-bò ke Jérusalem. Dingem nè nga, è njè ra nyan se dè naje’n tàkum Nube’t a, è njè kile koje dènn’t a tɔ. E ndi ngine è ke njèkaje ngannkà Israel nga tchên. Ndil-Kêmnda nain se Siméon.

Tà ke Maje ke Luc ndang 23:50

Dingem karé bè ndi tutu, ri’n nè Joseph, ɓee koje’n è Arimathée ɓeekon ke Judée. Dingem nè nga è balkum njégangtàge. E doo ke njèkêm-maje se njè ra nyan danné sêw a tɔ.

Tà ke Maje ke Luc ndang 9:26

Ke nè á doo karé ra rasɔl dèm’t se dè tàge’t le’m ɓaa, man ke m’ee Ngonn doo nga, ndɔ ke m’a m’tel ree dann ndubra’t le’m se le Bɔ’m se le njékêmndage ke danrán a tɔ ɓaa, ra’m à sɔl’m dènn’t tɔ.

Jean 13:20

Kerɔte kuwe, man m’ede sei ndàt, nanan ke uwe doo ke m’ule’n ke rann’t ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á è uwe’n ke rann’t non.

Jean 17:20

M’ɔje sei tà tede le njékuwe-girmge á se kar de lé. Nè m’ɔje sei tà tede le njé ke à undei kêm de dèm’t se go tà ke à edi de.

Jean 17:8

Tàge ke i ede’m kété nga, man géa m’ree’n m’ede de a, dé taa a tɔ. Dé ger get titeke man nga m’in rai’t. Kule ke i ule’m nga d’um kêm de dè’t kuwe.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:63

Ndil á ade doo ndi kumgajer. Doo se dè ra’n ase ra nyan karé lé. Tàge ke man m’ede sei nga in ra Ndil’t. E tàge nè á à ade a i ndii kumgajer.

Jean 6:68

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Nyanra Njekawkulege 10:2

Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 10:21

Pierre rise nang aw ra dingemge’t nè nga ede de ede nè: – An-in! doo ke a i sangi nin nga, è man á m’nda nè. Ké ri á è gir ree le si wa?

Nyanra Njekawkulege 10:30

Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Nyanra Njekawkulege 10:33

Ke loon’t nè kuwe, m’ule m’ɓari ɓaa, i ra maje in i ree tɔ. Ɗarinè jè malang jè ndi non Nube’t le koo tàge malang ke Kuwe-ɓee ule tài’t le kade ede jè nga ta.

Nyanra Njekawkulege 10:6

Simon Pierre nga tò ɓee le Simon karé ke njèkɔr gide ndarge. Simon ke njèkɔr gide ndar nga, kei le’n tò tà ba-kate’t ngɔr.

Nyanra Njekawkulege 11:14

Simon à ede sei tàge kade aje’n, i se njékêmkeige lei malang.»

Nyanra Njekawkulege 22:12

Dingem karé bè ndi Damas ri’n nè Ananias. E doo ke ile koje dè gute-ndu’t le Moise. Juipge malang ke ndii kêm ɓee-bò ke Damas tami tà le’n maje.

Nyanra Njekawkulege 24:15

Nube à ade njé ra nyan se dè najennge se njé ra nyan majelége à undei loo teei dann njé ke koo’t gar-gar. M’um kêm’m dè tà’t nè nga bɔk-bɔk. Dé njé sêkemge nè nga, d’um kêm de dè tà’t nè tɔ.

Nyanra Njekawkulege 6:3

Gir’n ke nè á, ngakon jége, i sangi dingemge ji sejimute dann si’t ɔri de le kade jè tel se kule nobo nyankuse j’umi ji de’t. Nè maje kade ei dooge ke d’ɔr tà le de maje. Maje kade ei dooge ke Ndil-Kêmnda se kumkunju taai ra de pel-pel a tɔ.

Nje Ke Rome 1:17

Tà ke Maje nga tɔje jéi titeke Nube ɔr tà dè doo’t takul kundekêm, unn gir ndɔ ke desêin sár ndɔ ke ngeinn’t titeke dé ndang’n kêm magtub’t d’ede nè: «Doo à ndi kumgajer takul kundekêm.»

2 Nje Ke Corinthe 5:18

Nyan malang in ra Nube ke j’umi nan’t bɔk se’n tàkul Krist. E kuwe á ade jè kule kum dooge nan’t bɔk se’n a tɔ.

1 Timothee 3:7

Gar-gar, njèkan dè njékebe nange le Nube nga, njé ke nata géa à tami tà le’n maje. Titeke bè á à ndii’n dann rasɔl’t le kade oso’n kem̂ gum’t le sú nga lé.

Hebreuge 10:38

Nube tam ede nè: Doo le’m ke ra nyan se dè naje’n ɓaa, è à ndi kumgajer takul kundekem̂. Nè ke nè è inye go kundekem̂ le’n kɔke ɓaa, ra’m à nel’m dènn’t lé.»

Hebreuge 11:2

Dooge ke kété mari ri de ɓar ngain nga taai kum Nube takul kundekem̂ le de.

Hebreuge 12:23

Sei reei ra njékebe nange le Nube ke ei ngann dernge ke d’unde ri de kem̂ Konɓee ke danrán’t. Sei reei ra Nube ke njègangtà dè dooge’t malang a, se dè njé ra nyan se dè najennge ke ɔri son kule le de njêt ɓita weii ɓai a tɔ.

2 Pierre 3:2

M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.

3 Jean 1:12

Dooge malang ɔri go tà le Démétrius ke maje. Ngarankum tà nga kuwe géa ɔrgo tà le’n ke maje a tɔ. Nè jè géa, j’ɔrgo tà le Démétrius ke maje tɔ. I Gaius, i ger mbak titeke tà ke jè tam nga è ngarankum tà kuwe.

Lookilera’n 14:10

è géa d’ade nim yibe nduu wong kem̂ bai wong’t le Nube kade an-in. Dooge nè nga d’a d’ade nyan ke ker jengleng à mbutu por kon de kade nyantosowur ra de. Nyantosowur nè nga à ule de ndibe tàkum dooge ke danrán ke tooi se ninn de a, tàkum Ngonn bate’t nga a tɔ.