Nyanra Njekawkulege 10:2 - Nouveau Testament en Gulay 2004

² Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.

Nyanra Njekawkulege 10:2 ပူးပေါင်းရင်းမြစ်များ

Matthieu 25:17

Ngonn njèndi ke njèkon’t joo nga géa, aw ndogo nyan tur gir tɔ. E inge made aru joo dè’t.

Tà ke Maje ke Luc ndang 18:1

Jésu unn gos nyan karé le tɔje’n de rebe kɔje tà se Nube dɔ-dɔ anje kade kêm de tête mann.

Tà ke Maje ke Luc ndang 2:25

Dingem karé bè, ri’n nè Siméon, è ndi kêm ɓee-bò ke Jérusalem. Dingem nè nga, è njè ra nyan se dè naje’n tàkum Nube’t a, è njè kile koje dènn’t a tɔ. E ndi ngine è ke njèkaje ngannkà Israel nga tchên. Ndil-Kêmnda nain se Siméon.

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 10:31

«Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.

Nyanra Njekawkulege 10:35

Nè se kêm ɓeekonge karé-karé malang nga, nanan ke ɓel’n Ndil Nube, ra nyan se dè naje’n ɓaa, doo nè taa kum’n kuwe.

Nyanra Njekawkulege 10:4

Corneille an doo ke danrán kàt-kàt, ɓel unde’n ndàt gang’n ade deje’n ede nè: – Kuwe-ɓee, è ri wa? Doo ke danran ile Corneille dè’t ede nè: – Kɔje tàge se noje-kuwege lei nga awi teei ra Nube’t. Gir’n ke nè á kêm’n olé’n dèi’t ɓila.

Nyanra Njekawkulege 10:7

Loo ke doo ke danrán ke nda ɔje’n se’n tà ɔte aw ɓá ɓaa, ke loon’t nè kuwe, Corneille ɓar ngann njéndige le’n joo se njèrɔ karé ke ilei koje dè Nube’t. Dooge ke mute ke Corneille ɓar de le kule nga ei dann dooge ke rai kule girn’t mari sár tee ɓila.

Nyanra Njekawkulege 11:14

Simon à ede sei tàge kade aje’n, i se njékêmkeige lei malang.»

Nyanra Njekawkulege 13:16

Paul ɔse nang in dɔ, yei de ji’n le kade dé ndi jêke^. E ede de ede nè: – Sei dooge ke Israel, sei malang ke i ɓeli Nube, i neli mbi si maje ooi tà le’m.

Nyanra Njekawkulege 13:26

– Ngakonmge ke girkà’t le Abraham, sei ke sei Juipge lé ke i ɓeli Nube, ooi maje: Tà kaje nè nga Nube ule’n ade jèi malang.

Nyanra Njekawkulege 13:50

Dinyege ke njé ɗɔi Nubege ke ei njényan-kingege ndii kêm ɓee-bò’t nè tɔ. Juipge sulei de se dooge ke kum de unju ke kêm ɓee-bò’t nè nga adi unni gir rai kum Paul se Barnabas ndoo. Dé rɔ Paul se Barnabas kêm ɓeekon’t le de kɔke.

Nyanra Njekawkulege 18:8

Nè né è bè géa, Crispus ngar dè kei kebe nan se njé ke kêm kei le’n bere mbak undei kêm de dè Kuwe-ɓee’t. Dooge ngain ke kêm ɓee-bò ke Corinthe ke uri mbi de ooi tà le Paul nga teli njétaakêm-Kristge ade d’ule de manné njonm.

Nyanra Njekawkulege 2:5

Kêm ndɔn’t nè nga, Juipge ke ilei koje dè Nube’t in-in dann dooge ke ei Juipge lé dè nang malang reei ndii kêm ɓee-bò ke Jérusalem.

Nyanra Njekawkulege 22:12

Dingem karé bè ndi Damas ri’n nè Ananias. E doo ke ile koje dè gute-ndu’t le Moise. Juipge malang ke ndii kêm ɓee-bò ke Damas tami tà le’n maje.

Nyanra Njekawkulege 8:2

Dooge ke njékile koje dè Nube’t ke nange unni ninn Etienne dubi. Ndoo Etienne ra de ade d’unde kàde de dài-dài dé non’n jik-jik.

Nyanra Njekawkulege 9:11

Kuwe-ɓee tel ede Ananias ede nè: – In dɔ, ɔte ɗarinè aw dann rebe ke dé ɓar’n Rebe ke danné sêw. Aw kêm kei le Judas i deje’n dingem karé ke ri’n nè Saul. Doo nè nga ɓee koje’n è Tarse. An! doo nè nga ndi à ɔje tà se Nube ɗarinè.

Nyanra Njekawkulege 9:31

Titeke bè á njékebe nange le Nube bere mbak ke ɓeekon ke Judée se Galilée a, se Samarie teli ndii se kêmlom. Njétaakêm-Kristge rai tɔge a, ilei koje dè Kuwe-ɓee a tɔ. Kɔr de in dè made’t ke kété-kété takul nain ke tɔgmong le Ndil-Kêmnda nain se de.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

Nje Ke Colosses 4:2

Uwei ra si mong ɔji tà se Nube se ndɔge malang a, i ndii kum dè ra’n oiyo’t a tɔ.

1 Nje Ke Thessalonique 5:17

Ebi’t kɔje tà se Nube lé.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Lookilera’n 15:4

Kuwe-ɓee! ké nan à nal kile koje éké nal kile riɓar dè ri’t nga wa? Oiyo, i kuwe se kari bere luk-luk á i tò se ninni, girkoje dooge se dè ɓee-dè ɓee malang à reei ndɔ karé kɔsi keje de nang non-in’t ɗɔyi nin tede nyanrage lei ke se dè naje’n tooi nata ndái-ndái tàkum de’t.»