Nyanra Njekawkulege 10:15 - Nouveau Testament en Gulay 2004

¹⁵ Ndu doo nè nga tel ede Pierre tà njèkon’t joo ede nè: – Nyan ke Nube tel’n ke nyan ke unju nyang-nyang nga, maje kade i ɓar’n nyan ke mine lé.

Nyanra Njekawkulege 10:15 ပူးပေါင်းရင်းမြစ်များ

Matthieu 15:11

Nyan ke in nata aw kêm doo’t á tel’n ke doo ke mine lé, nè nyan ke in kêm doo’t tee tànn’t á ke nyan ke ade doo tel mine’n.

Marc 7:19

Kerɔte kuwe, nyan ke doo use nga aw kêm ɓengrenn’t lé, nè aw kêm jebelenn’t ade go’t gugu ɓaa, è aw ede’n yide. Jésu tam tà nè nga titeke bè tede è tel nyankuse malang ade è ke unju tede le njétaa-kêmnge.

Nyanra Njekawkulege 10:16

Nyan nè nga ree titeke bè nja mute ɓita dé tel’n keng ke loon’t nè d’aw’n danrán gugu.

Nyanra Njekawkulege 10:28

Pierre ede de ede nè: – Sei geri mbak, doo ke è Juip nga d’ɔge’n loo kuwe made nan éké loo kum nan’t bɔk se doo ke è Juip lé. Nè man ɓaa, Nube ndoo’m le kade m’an doo karé bè ke nyan ke raikarè éké ke nyan ke mine lé gar-gar.

Nyanra Njekawkulege 11:9

Ndu doo in danrán ke njèkon’t joo ede nè: «Nyan ke Nube tel’n ke nyan ke unju nyang-nyang nga, maje kade i ɓar’n nyan ke mine lé.»

Nyanra Njekawkulege 15:20

Nè adi jè ndangi magtub j’adi de le kade d’ɔge ra de dè nyange ke mine ke dé gugu’n magege a, se dè tò se nan ke kaiya’t a, se dè dange ke mbir kɔbe de a, éké dè mese dange’t a tɔ.

Nyanra Njekawkulege 15:29

Maje kade ɔgi ra si dè dange ke dé tɔl dé gugu’n magege se dè mese dange’t a, se dè nyange ke d’uje de ke mese d’ade magege a, se dè dange ke dé mbir kɔbe de a, se dè tò se nan ke kaiya’t a tɔ. Ke nè á an-in go ra si sêw-sêw dè nyange’t nè ɓaa, sei i rai nyanra ke maje. I ndii lapya ta.»

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

Nje Ke Rome 14:14

Kuwe-ɓee Jésu ndó’m ade m’ger kêm’t maje titeke nyan karé bè géa mine se dè ra’n lé. Ke nè á doo karé gir kêmn’t titeke nyan karé mine ɓaa, mine tede le’n è kuwe.

Nje Ke Rome 14:20

I dookunde le Nube nga, an! tá nè à tuju ɔje dè nyankuse ke kêmi’t karè. Kerɔte kuwe, nyankusege malang maje kum kuse, nè ke nè á nyankuse ke kêmi’t à ade ngokoin à ra majelé ɓaa, maje lé.

1 Nje Ke Corinthe 10:25

Nyan malang ke d’ige’n kaskoo nga, usei anje deje gir se go tàgir ke kêm si’t.

Tite 1:15

Njé ke unji nyang-nyang nga, nyan malang è ke unju nyang-nyang tede le de. Nè njé ke minei se njé ke unni mbi de dè tà’t nga, nyan karé bè ke unju nyang-nyang tede le de goto. Gos nyanger se tàgir ke kem̂ de’t è ke mine tanm-tanm.

Lookilera’n 14:20

Dé mbule kul nduu nè se nja de kem̂ rebe mboré mann nduu’t nè gide ɓee-bò’t nata. Mese tee kem̂ rebe mboré mann nduu’t nè nga ule loo gɔngong-gɔngong ase kurloo aru mutege bè a, in sár aw ɔde aljem̂ ke tà sindege’t a tɔ.