Nyanra Njekawkulege 10:11 - Nouveau Testament en Gulay 2004

¹¹ Pierre an kum danran teen. E an nyan karé in danran jurr ree rise nang. Nyan nè nga tò tite tà kubu ke bòi ke dé tɔ kule dè kumennge ke sɔ.

Nyanra Njekawkulege 10:11 ပူးပေါင်းရင်းမြစ်များ

Matthieu 8:11

Man m’ede sei ndàt, dooge ngain à in-in loo tee’t le kàde se loo kur’t le kàde le ndii nan’t se Abraham, Isaac se Jacob kêm Konɓee ke danrán’t.

Tà ke Maje ke Luc ndang 3:21

Loo ke Jean ule kosdooge malang manné njonm ɓá ɓaa, Jésu géa ree ade ule’n manné njonm tɔ. Loo ke Jésu nda ɔje tà se Nube bè-bè ɓai ɓaa, kum danran teen ngalal.

Jean 1:51

Jésu ede Nathanael se njé ke rang malang ede nè: – Kerɔte kuwe, man m’ede sei ndàt, unn gir’n ɗarinè kum danran à teen. Sei a kan-in dooge ke danrán le Nube à ali kawi dɔ a, à risi nang a tɔ tede rai nyan kadi man Ngonn doo.

Jean 11:52

Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Jean 12:32

Man nga, loo ke ndɔn’t d’a d’unn’m lat kɔke dè nang nè ɓaa, m’a m’ndɔr dooge malang ke ram’t.

Nyanra Njekawkulege 10:12

Dange ke se ri de-ri de ke nja de sɔ-sɔ, se nyange ke agi nang se helge a tɔ tooi kêm tà kubu ke la’t nè nga.

Nyanra Njekawkulege 11:5

– M’ndi kêm ɓee ke Joppé man m’ɔje tà se Nube. Nyan pinde’m ade m’an nyan karé ke tò tite tà kubu ke bò in danran rise nang. Tà kubu nè nga dé tɔ kule dè kumennge ke sɔ. Nyan nè nga ree jurr rise nang ram’t jip.

Nyanra Njekawkulege 7:56

Etienne tam ede nè: – An-in! man m’an kum danran teen ra’n. M’an Ngonn doo nda se nja’n dɔ dè jikon Nube’t.

Nje Ke Rome 1:16

Ma m’ra rasɔl dè tà kile mber Tà ke Maje’t nga lé, tede è tɔgmong le Nube le kaje’n nanan ke um kêm’n dè’t, Juipge kuwe kété ɓita njé ke ei Juipge lé ɓai.

Nje Ke Rome 9:4

Dé nè nga, dé dooge ke ndɔ ke Nube tel de ke ngann’n. D’an ndubra le’n se kum de a, è mann ra’n ade de a, è ade de gute-ndu’n a, inye loo ade dé ra kule d’ade’n a, è unn ndu’n ade de a tɔ.

Nje Ke Galatie 2:15

Jè nga, jè Juipge m jè jè njé ra majelége tite dooge ke ei Juipge lé nga bè lé.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Ephese 1:10

Loo ke ndɔ’n à ase deĵ ɓaa, nyan ke Nube ɔje le ra á tò nè: A ɔse nja nyange ke danrán se nyange ke dè nang nè malang nan’t le kade Krist è doo dè de.

Nje Ke Ephese 3:6

Se go Tà ke Maje á dooge ke ei Juipge lé oréi nan se jéi jèi Juipge dè nyange ke Nube unde konn tede le kosdooge le’n. Jèi se de jèi balkum danra ke karé bere. Jèi se de j’oréi nan dè ndikumgajer ke Nube unn’n ndu’n ade dooge ke umi se’n nan’t bɔk takul Krist.

Nje Ke Colosses 3:11

Ɗarinè tò gai le Juipge se njé ke ei Juip lé goto, tò gai le doo ke njè kuje tà mɔte’n se è ke nal kuje tà mɔte’n goto. Doo ke dɔ éké doo ke raikarè goto ta. Ɗarinè tò gai le ɓer éké doo ke ndi dè’n pal goto a tɔ. Nè Krist kuwe karé bere á è doo dè dooge malang a, ndi kem̂ de’t malang a tɔ.

Lookilera’n 11:19

Tà gile kei ke danrán ke tò se ninn’n le Nube nga teen. Sanduk mann-ra le Nube ke tò gile kei’t le’n ke tò se ninn’n nga tò nata doi. Go’t ɓaa, ndi têl a, ndang a, nang yei ɓuk-ɓuk a, ndi ede ade kɔtche toso danm-danm a tɔ.

Lookilera’n 19:11

Go’t gugu, m’an danrán teen tà’n. An! ke loon’t nè kuwe, sinde-gaglam unde loo tee pitring se doo gidenn’t. Doo ke al dènn’t nga, dé ɓar’n Ngarankum Maje kule. E gangtà a, rɔ se dè naje’n a tɔ.

Lookilera’n 4:1

Go nyange’t nè nga ɓaa, m’an tàbit kei karé ke danrán teen. M’oo ndu doo ke ndɔ ke tam se’m tà nga ɓar tite burunju bè. Doo nè nga tam se’m ede nè: «Al ke ram’t nè ade’m tɔji nyange ke à reei kuti go nyange nè nga gar-gar.»