Nyanra Njekawkulege 1:25 - Nouveau Testament en Gulay 2004

²⁵ Doo ke a ɔr’n nga, à è njè taa gute Judas loo kaw kule’t ke inye ɔte aw loo le’n ke ɔje dè’n è kuwe.

Nyanra Njekawkulege 1:25 ပူးပေါင်းရင်းမြစ်များ

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Jean 13:27

Loo ke Judas taa mapa nè use làng ɓaa, njèkêmyêr ree ur kêmn’t. Ke loon’t nè kuwe, Jésu ede’n ede nè: – Nyan ke a i ra nga, i ra kalang.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

1 Nje Ke Corinthe 9:2

Ke nè á né njé ke rang-ge an-in man ke njèkawkule lé géa, sei ɓaa, man njèkawkule tede le si kerɔte kuwe. Sei ɓaa, sei korji kule ke m’ra m’ade Kuwe-ɓee.

Nje Ke Galatie 2:8

Nube ke njè tel Pierre ke njèkawkule le Juipge nga kuwe á tel’m ke njèkawkule le dooge ke ei Juipge lé tɔ.