Nyanra Njekawkulege 1:16 - Nouveau Testament en Gulay 2004

¹⁶ – Ngakonmge se kon nannemge, tà ke Ndil-Kêmnda tam kété kêm Magtub ke tò se ninn’n nga, aw loon’t deĵ. Ndil-Kêmnda ule tà tà David’t ade tam ɔje’n dè Judas kété. Judas nè ɔse wan tel è njèkɔr non njé kuwe Jésuge.

Nyanra Njekawkulege 1:16 ပူးပေါင်းရင်းမြစ်များ

Matthieu 26:14

Judas Iskariot è njèkuwe-gir-Jésu ke karé dann njé ke dɔg-gidé-joo’t. E aw ra maw njékuje nyan-mesege’t ede de ede nè:

Matthieu 26:47

Loo ke tà nain tà Jésu’t ɓai ɓaa, Judas njèkuwe-gir-Jésu ke karé dann njé ke dɔg-gidé-joo’t ɔr non kos njérɔge mbuu tee’n pan. Kos njérɔge nè nga ei se kuye kaskar, se ɗugur kage ji de’t kêl-kêl. E maw njékuje nyan-mesege se ngatɔgege le kosdooge ke Israel á ulei kos njérɔge nè nga.

Matthieu 26:54

Tà ke dé ndang kêm magtub ke tò se ninn’n d’ede nè: «Gar-gar nyan nè nga à tee titeke bè» nga, ké à aw loon’t deĵ titeke bain wa?

Matthieu 26:56

Nè nyan nè nga, è titeke bè le kade tà ke njéribe-dè-tàge ke tà Nube’t tami nga aw’n loon’t deĵ. Njékuwe gir-Jésuge malang inyei nin ɔti an-in nan karé-karé.

Marc 12:36

E David nga géa, Ndil-Kêmnda ɔse’n balang-balang ade tam ede nè: «Nube ede Kuwe-ɓee le’m ede nè: I ndi dè jikonm’t sár le kade m’ade njébange lei teli nyan-sure-nja kum lei.»

Marc 14:43

Loo ke tà nain tà Jésu’t ɓai ɓaa, ke loon’t nè kuwe Judas, è ke karé dann njé ke dɔg-gidé-joo’t tee pan se doobulege goon’t mbuu. Doobulege ke go Judas’t nga, ei maw njékuje nyan-mesege a, njékɔrgir gute-nduge se ngatɔgege le Israelge á ulei de. Doobulege nè nga reei se nyankatege se ɗugur kagege ji de’t kêl-kêl.

Tà ke Maje ke Luc ndang 22:47

Loo ke tà nè nain tà Jésu’t ɓai ɓaa, an! dooge ɔri nan mbuu teei pan ke rann’t. Nè njèkuwe-gir-Jésu karé dann njé ke dɔg-gidé-joo’t ke ri’n nè Judas ɔr non de. E ree ngɔr ke ra Jésu’t le kuwe’n kàdenn’t sêm ra’n lapya.

Jean 10:35

Njé ke tà le Nube oso mbi de’t nga, loo ke nange Magtub mann-ra ke mari ɓar de kum gute tà Nube. Tà ke tò kêm Magtub ke tò se ninn’n nga, doo asekum kɔr kile kɔke tuju’n lé.

Jean 13:18

Tà ke m’tam nè nga m’ɔje’n dè si malang lé. Njé ke man kuwe m’tɔr de nga m’ger de mbak. Nè nyan nè nga tee titeke bè tede kade tà ke Magtub ke tò se ninn’n tam ede nè: «E ke use se’m mapa nan’t nga kuwe à tel kɔr nja’n kube’m» nga, aw loon’t deĵ.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Jean 19:36

Nyange nè teei titeke bè tede kade tà ke Magtub ke tò se ninn’n tam kété nga aw’n loon’t deĵ. Dé ndang kêm magtub’t d’ede nè: «D’a tête kinge’n karé bè géa dann madege’t lé.»

Nyanra Njekawkulege 1:20

Dé ndang tà kêm magtub ke dé ɓar’n Magtub Pakɔsege d’ede nè: «Maje kade ɓee le’n tel è ndube ndái-ndái, maje kade doo karé bè géa ra ɓee tutu lé, taɓai maje kade doo karé ke rang taa gute’n loo kule’t le’n a tɔ.»

Nyanra Njekawkulege 13:15

Dooge tutei magtub gute-ndu Nube ke ndɔ ke Moise ndang a, tutei magtubge le njéribe-dè-tàge ke tà Nube’t a tɔ. Go’t ɓaa, njékan dè kei kebe nan ulei kule ra de’t edi de edi nè: – Ngakon jége, ke nè á awi se tà ndeje ke nange tede le kosdooge nè nga ɓaa, i tami edi de ɗarinè ta.

Nyanra Njekawkulege 13:38

Ngakonmge, maje kade i geri tà ke j’ede sei nè nga maje: gute-ndu le Moise asekum kɔr tà dè si’t ndan lé. Nè ɓila j’ile mber kêm tin mbit dè kaiya’t j’ade sei takul Jésu nga.

Nyanra Njekawkulege 15:13

Loo ke ei ebi’t tam tà ɓá baa, Jacques unn tà ke le’n tam ede nè: – Ngakonmge, uri mbi si ooi tà le’m ɓita.

Nyanra Njekawkulege 15:7

Loo ke ei naji nan tà kò de heb ɗàk ɓá ɓaa, Pierre in dɔ ede de ede nè: – Ngakonmge, sei geri mbak titeke Nube ɔr’m dann si’t mari bere tede kade m’ile mber Tà ke Maje m’ade dooge ke ei Juipge lé ooi. Titeke bè á à undei kêm de dè Kuwe-ɓee Jésu’t.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 2:37

Loo ke kosdooge ooi tàge nè bè ɓaa, ɓengre de ayé gang dɔs. Dé deje Pierre se njékawkulege ke rang d’ede nè: – Ngakon jége, ké j’à ra bain ta wa?

Nyanra Njekawkulege 22:1

– Ngakonmge se bɔmge, uri mbi si ooi tà le’m ke m’a m’tam dè ram’t ɗarinè nga.

Nyanra Njekawkulege 23:1

Paul an kum njégangtàge le Juipge sêw-sêw ɓaa, è ede nè: – Ngakonmge, man m’njiye non Nube’t se tàgir ke maje ɔr njêt sár tee ɓila.

Nyanra Njekawkulege 23:6

Paul ger mbak titeke njégangtàge nga, njé ke nange ei Saddusienge a, njé ke nange ei Pharisienge a tɔ. Gir’n ke nè á è tam’n tà se ndu’n ke bòi beng non de’t ede nè: – Ngakonmge, man m’ee Pharisien, ngonn koje Pharisien. Ɓila m’nda non njégangtàge’t. E tede tà ke rang lé, nè è tede kunde ke m’unde kêm tchên titeke dooge ke weii à undei loo teei dann njé ke koo’t.

Nyanra Njekawkulege 28:17

Ndɔ ke njèkon’t mute, Paul ule kule ɓar njékɔr non Juipge le kade reei ingei nin. Loo ke ei ɔsi nja nan reei ingei nin ɓá ɓaa, è ede de ede nè: – Ngakonmge, m’ra nyan karé bè m’ute’n kosdooge éké nyangirkà le kà jéige mbeng lé. Nè né è bè géa, d’uwe’m d’ile’m dangai’t Jérusalem nú sár ɗarinè d’ule’m ji dooge ke Rome nè ta.

Nyanra Njekawkulege 28:25

Dé naje nan tà ngain ade ndu de um nan’t lé. Loo ke d’ade gang nan ɓaa, Paul ede de tà karé bere ede nè: – Tà ke ndɔ ke Ndil-Kêmnda ade Esaie, njèribe-dè-tà ke tà Nube’t ede kà sige nga aw loon’t deĵ.

Nyanra Njekawkulege 7:2

Etienne unn tà tam ede nè: – Sei bɔmge se ngakonmge, ooi tà lem maje: kété ɓita kade kà jéi Abraham in kêm ɓeekon ke Mésopotamie aw ndi kêm ɓee ke Haran ɓai nga, Nube ke njè ndubra tee dènn’t pan

1 Pierre 1:11

Ndil Krist ndi kem̂ de’t ede tà nyankem̂konge ke ayé ra Krist se ndubra ke ayé kutu go nyankem̂kon nè nga kade ooi. Dé ter loo le ger ké ndɔ ke ra á nyan nè nga à tee wa? Njéribe-dè-tàge ke tà Nube’t teri loo le geri ké nyan nè nga à tee titeke bain wa?

2 Pierre 1:21

Oiyo, tà ke in tà Nube’t nga è se go kem̂ndige le doo karé ndan lé. Nè Ndil-Kem̂nda á ɔse dooge balang-balang ade ilei mber tà ke in tà Nube’t.

2 Pierre 2:21

Kade dé ger rebe ke danné sêw nga lé è soo’t dum kade dé ger ndukunn ke tò se ninn’n le Nube ke ndɔ ke dé ndó de nga d’inye d’ɔse wan dé tel.