Nyanra Njekawkulege 1:15 - Nouveau Testament en Gulay 2004

¹⁵ Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 1:15 ပူးပေါင်းရင်းမြစ်များ

Matthieu 13:31

Jésu unn gostà karé ke rang ede dooge ɓai ede nè: – Konɓee ke danrán nga tò asenan se kum kage ke ri’n nè Mutarde ke dingem karé unn aw dubu kêm ndɔr’t le’n bè.

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Jean 14:12

Kerɔte kuwe, man m’ede sei ndàt, doo ke um kêm’n dèm’t ɓaa à ra nyange ke m’a m’ra nè nga tɔ. Doo nè nga à ra nyange ke bò dum dè ège ke nè ɓai, tede m’a m’tel kaw ra Bɔm’t nú ta.

Jean 21:23

Njékuwe-gir-Jésuge turi tà nè ilei gel edi nè: – Njèkuwe-gir-Jésu nè nga, ayé kwei lé. Nè Jésu tam ede nè: «Njèkuwe-girnge nè nga ayé kwei lé» lé. Nè è tam ede nè: « Ke nè á m’ndige kade n’ndi sár le kade m’tel m’ree’n ɓaa, ké usi ri wa?»

Nyanra Njekawkulege 10:23

Pierre aw se njékulege le Corneille kêm kei, ra de mba. Barè lookar’n kuwe, è in aw se de. Njétaakêm-Krist ke nange ke kêm ɓee ke Joppé danni nin awi se’n.

Nyanra Njekawkulege 11:1

Njékawkulege se njétaakêm-Kristge ke ndii kêm ɓeekon ke Judée ooi titeke njé ke ei Juipge lé géa taai tà le Nube ke le de tɔ ta.

Nyanra Njekawkulege 11:12

Ndil-Kêmnda ede’m le kade m’aw se de anje tile mbɔr. Njétaakêm-Kristge mute-mute ke ndai nè nga ndɔ ke danni man awi se’m Césarée kei le Corneille.

Nyanra Njekawkulege 11:26

Loo ke Barnabas inge’n ɓá ɓaa, è ree se’n Antioche. Ase ɓal karé deri, Barnabas se Saul rai kule nan’t se njékebe nange le Nube ke Antioche ɓeekon ke Syrie. Ei ndói doobulege nyan ase tà’t. Antioche nga è loo ke kété desêin dooge ɓari njékuwe-gir Kristge «njétaakêm-Kristge» tutu.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

Nyanra Njekawkulege 12:17

Pierre yei de ji’n le kade d’ebe’t tam tà. E ɔr ser kɔr ke Kuwe-ɓee ɔr’n dangai’t ade d’oo. Pierre tel ede de ede nè: – Ɔri ser nyan nè nga adi Jacques se njétaakêm-Kristge ke rang ooi. Go’t gugu, è unde loo tee aw loo ke rang’t.

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nyanra Njekawkulege 15:1

Dooge ke nange in-in kêm ɓeekon ke Judée reei kêm ɓee-bò ke Antioche, ɓeekon ke Syrie. Ei ndói nyan njétaakêm-Kristge edi nè: – Ke nè á adi d’uje tà mɔte si se go gute-ndu le Moise lé ɓaa, Nube à aje sei ndan lé.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 16:2

Njétaakêm-Kristge ke ndii kêm ɓeege ke Lystre se Icone nga ɔri go tà le’n maje.

Nyanra Njekawkulege 16:40

Loo ke Paul se Silas undei loo teei dangai’t ɓaa, ei teli awi kêm kei le Lydie ingei njétaakêm-Kristge ulei dingem kêm de’t pa ɓita in-in awi kété ɓai.

Nyanra Njekawkulege 17:10

Ke loon’t nè kuwe, njétaakêm-Kristge ulei se Paul se Silas ndɔɔ kêm ɓee-bò ke Bérée. Loo ke Paul se Silas teei nú ɓaa, ei awi kêm kei kebe nan’t le Juipge.

Nyanra Njekawkulege 17:14

Ke loon’t nè kuwe, njétaakêm-Kristge ulei se Paul ade aw kum’n se ke tà ba-bò kate’t, nè Silas se Timothée á nain-in kêm ɓee ke Bérée.

Nyanra Njekawkulege 17:6

Loo ke d’inge de lé ɓaa, d’uwe Jason se njétaakêm-Kristge ke nange. Dé ndɔr de ngander-ngander d’aw se de non njégangtàge ke kêm ɓee-bò’t nè nga. Taɓai dé tam tà se ndu de ke bòi beng d’ede nè: – Dooge ke njé bungul loo dè nang nè bere mbak nga, ɗarinè teei laa tɔ ta.

Nyanra Njekawkulege 18:18

Paul tel ndi kêm ɓee-bò ke Corinthe ase tà’t. Go’t gugu, è inye njétaakêm-Kristge, è al kêm bato’t tel aw ɓeekon ke Syrie. Priscille se Aquilas géa awi se’n nan’t tɔ. Paul ade dé ndise dè’n nda kêm ɓee ke Cenchrées tede ndu’n ke ndɔ ke è unn.

Nyanra Njekawkulege 18:27

Titeke ke Apollos ɔje njáng le kaw kêm ɓeekon ke Achaie nga ɓaa, njétaakêm-Kristge ulei dingem kêmn’t le kade aw. Gir’n ke nè á ei ndangi magtub adi njétaakêm-Kristge ke Achaie le kade uwei Apollos ke ra de’t. Loo ke è tee nú ɓá ɓaa, Nube uwe se’n noje ade tel è kage-gete njétaakêm-Kristge.

Nyanra Njekawkulege 21:17

Loo ke jè tee Jérusalem ɓá ɓaa, njétaakêm-Kristge uwei jè ke ra de’t se ranel.

Nyanra Njekawkulege 21:20

Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.

Nyanra Njekawkulege 21:7

J’ɔr son kaw mba le jé se rebe ke manné kêm ɓee-bò ke Tyr. J’in Tyr j’aw kêm ɓee-bò ke Ptolémais. Jè ra lapya njétaakêm-Kristge ke tutu, jè ndi se de ndɔ karé ɓita j’in ɓai.

Nyanra Njekawkulege 22:5

Maw njèkuje nyan-mese se ngatɔgege malang d’an nyange ke ndɔ ke m’ra kété nga se kum de. Ei asikum kedi sei tà’n. E dé kuwe á ndɔ ke m’taa magtub ji de’t m’aw’n ra ngakon jéige ke kêm ɓee-bò ke Damas. M’aw le tuwe njétaakêm-Kristge ke ndii nú le tɔ de se sul ree se de Jérusalem kade kure nyan ra de ɔde kum de.

Nyanra Njekawkulege 28:14

J’inge ngakon jé ke njétaakêm-Kristge kêm ɓee ke Pouzzoles. Ei ɓari jè adi jè ndi se de ase ndɔ ji sejimute. E se go rebege ke titeke bè á j’aw’n sár jè tee’n kêm ɓeekon ke Rome ɓai.

1 Nje Ke Corinthe 15:6

Taɓai, go’t gugu njétaakêm-Kristge aru mi an-in nin kade nan’t mbak. Njé ke nange bule dann de’t ndii kumgajer laa ɓai, nè njé ke nange á weii ɓá tɔ.

Lookilera’n 11:13

Ke loon’t nè kuwe, nang yei ɓuk-ɓuk. Debe ɓee-bò ke karé dann ke dɔg’t ɔr oso. Loo ke nang yei ɓuk-ɓuk nga, dooge aru dɔg loo ji sejimute weii kabak. Ɓel unde gute dooge ne nan-in ndàt gang de ade teli ulei ndubra dè Nube’t ke ndi danrán.

Lookilera’n 3:4

Nè né è bè géa, i aw se dooge ke nange kubu le de mite lé kem̂ ɓee-bò ke Sardes. Dooge nè nga à njiyei se kubuge ke nda tede asikum njiyei se’m kuwe.