Nyanra Njekawkulege 1:14 - Nouveau Testament en Gulay 2004

¹⁴ Dé malang d’um kêm de nan’t bɔk, d’aw kum de ke kété-kété dè kɔje tà se Nube’t. Dinyege ke nange tite Marie kon Jésu a, se ngakon Jésuge ndii se de nan’t tutu a tɔ.

Nyanra Njekawkulege 1:14 ပူးပေါင်းရင်းမြစ်များ

Matthieu 12:46

Loo ke Jésu ndi à ede kosdoo-bulege tà bè-bè ɓai ɓaa, an! kon’n se ngakonnge ke dingem reei ndai nata. Ei sangi le kedi nin tà.

Matthieu 21:22

Nyan ke rara ke sei deji Nube se kundekêm ɓaa, a ingei nyan nè nga kuwe.

Matthieu 27:55

Dinyege bule ke unni gir danni Jésu ɓeekon ke Galilée nga ndai heb, ei an-in nyange ke teei nè nga. Dinyege nè nga, ndɔ ke ei njé ra se Jésu dè nyange ke è aw ndoo’n.

Marc 15:40

Dinyege ke nange ndai heb an-in nyan ke d’ade ra se Jésu nga sêw-sêw. Marie ke ɓee le’n è Magdala, Salomé se Marie ke kon Jacques ke ndêin a, se Joses a tɔ, ei se de nan’t.

Marc 16:1

Loo ke ndɔ taa kebe dere ɓá ɓaa, Marie ke ɓee le’n è Magdala a, Salomé se Marie kon Jacques ke ndêin ndogoi wubuge ke ete maje tede kaw’n barè ndum ninn Jésu.

Tà ke Maje ke Luc ndang 11:13

Sei ke njékêmyêrge gé ɓai á i geri kade nyange ke maje ngannge nè a, ké bɔ jéi ke ndi danrán à asekum kade Ndil-Kêmnda njé ke dejii lé wa?

Tà ke Maje ke Luc ndang 18:1

Jésu unn gos nyan karé le tɔje’n de rebe kɔje tà se Nube dɔ-dɔ anje kade kêm de tête mann.

Tà ke Maje ke Luc ndang 23:49

Nè dooge malang ke geri Jésu maje se dinyege ke unni gir dannii ɓeekon ke Galilée nú ndai heb an-in nyange ke desi nè nga.

Tà ke Maje ke Luc ndang 23:55

Dinyege ke in-in se Jésu ɓeekon ke Galilée nú nga, ndolèi goo Joseph awi se’n le kan be-ɓade a, le kan ké à ile ninn Jésu tutu titeke bain wa a tɔ.

Tà ke Maje ke Luc ndang 24:10

Marie ke ɓee le’n è Magdala, se Jeanne se Marie kon Jacques, se dinyege ke rang ke awi se de ɔri ser nyange nè adi njékawkulege ooi.

Tà ke Maje ke Luc ndang 24:33

Ke loon’t nè kuwe d’ɔse nang d’in dé tel d’aw Jérusalem gugu. D’aw d’inge njékuwe-gir-Jésu ke dɔg-gidé-karé se njè ke rang ke kebi se de nan loo karé.

Tà ke Maje ke Luc ndang 24:53

Dé ndi kêm kei le Nube se ndɔ de-ndɔ de a, dé pite’n dɔ-dɔ a tɔ.

Tà ke Maje ke Luc ndang 8:20

Doo karé ree ede’n ede nè: – Koin se ngakoinge ndai nata non ndigi kilei kum de dèi’t.

Nyanra Njekawkulege 2:1

Loo ke ndɔ Pentecote ase deĵ ɓá ɓaa, njétaakêm-Kristge kebi nan loo karé.

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nyanra Njekawkulege 2:46

D’um kêm de nan’t karé a, dé ree kêm kei le Nube se ndɔ de, ndɔ de a, d’use mapa se nan kêm keige’t le de se ranel a, se kêmnda káng a tɔ.

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.

Nje Ke Rome 12:12

I rai ranel dè nyan ke sei undei kêm si tchên dè’t nga. Oréi tà si njak dann nyantosowur’t ɔji tà se Nube se ndɔge malang m ebi’t lé.

1 Nje Ke Corinthe 14:13

Gir’n ke nè á doo ke tam tà tam dooge ke rang nga, gar-gar maje kade deje Nube kade ade’n tɔg kade tel’n gir tà nè nga ade njé ke rang tá.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Nje Ke Colosses 4:2

Uwei ra si mong ɔji tà se Nube se ndɔge malang a, i ndii kum dè ra’n oiyo’t a tɔ.