Nyanra Njekawkulege 1:13 - Nouveau Testament en Gulay 2004

¹³ Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 1:13 ပူးပေါင်းရင်းမြစ်များ

Matthieu 9:9

Loo ke Jésu in loon’t nè à dese ɓaa, è an dingem karé ndi kêm kei taa tirge’t. Dingem nè nga ri’n nè Matthieu. Jésu ɓar’n ede’n ede nè: – Unn rebe goom’t. Ke loon’t nè kuwe, è ɔse nang in unn rebe go Jésu’t.

Marc 14:15

Kuwe-kei nè à tɔje sei kei ke dè made’t dɔ. E kei ke dé gɔl kêm’n maje a, nyange malang ke j’awi ndoo’n tò kêmé a tɔ. E á è loo ke a uwei dè nja nyan ra nan Paque nga tutu tede le jéi.

Marc 14:33

E ade Pierre, Jacques se Jean á danni nin. Ɓel unn gir kunde’n ndàt gang’n ade kàde’n gete get-get.

Marc 2:14

Loo ke Jésu à dere le kaw ɓaa, è an Lévi ngonn Alphée ndi tà kei taa tirge’t. E ede’n ede nè: – Unn rebe goom’t. Lévi ɔse nang in, unn rebe go Jésu’t.

Marc 5:37

Jésu inye loo ade doo karé ke rang dann’n lé, nè ade Pierre se Jacques se ngokon’n Jean danni nin awi se’n.

Marc 9:2

Loo ke Jésu ede njékuwe-girnge tà yoo’n se kunde loo tee le’n dann njé ke koo’t, ra ndɔ mute-mute ɓaa, è ɔr Pierre, Jacques se Jean njɔl ade awi se’n dɔ dè mbal karé’t bè. Ra’n tel waks tàkum de’t.

Tà ke Maje ke Luc ndang 22:12

Doo nè nga à tɔje sei kei ke bòi ke dè made’t dɔ. D’uwe dè nja nyan malang tutu ɓá. E kêm kei nè á sei a kuwei dè nyan ra nan Paque.

Jean 11:16

Thomas ke ri tɔy’n è ndunge ede njékuwegir-Jésu madennge ede nè: – Jèi géa, adi j’awi j’weii se Jésu nan’t.

Jean 14:22

– Kuwe-ɓee, ké bain jè tá a kɔrgir rai kade jè anje kɔr kade dooge ke dè nang nè wa?

Jean 18:17

Dinye ke è ngonn njèndi ke nda à ngonm tà kei deje Pierre ede nè: – Ké i géa i ke dann njékuwe-gir dingem’t nè nga tɔ lé wa? Pierre tam ede nè: – Ḿ-m̀, man m’ee ke dann de’t lé.

Jean 21:2

Simon Pierre, Thomas ke ri tɔy’n nè: «Ndunge», Nathaniel ke ɓee le’n è Cana ɓeekon ke Galilée, ngann le Zébédéege ke joo se njékuwe-girnge ke rang joo tɔ. Ei nè malang ndii nan’t loo karé kêm ndɔn’t nè.

Nyanra Njekawkulege 12:17

Pierre yei de ji’n le kade d’ebe’t tam tà. E ɔr ser kɔr ke Kuwe-ɓee ɔr’n dangai’t ade d’oo. Pierre tel ede de ede nè: – Ɔri ser nyan nè nga adi Jacques se njétaakêm-Kristge ke rang ooi. Go’t gugu, è unde loo tee aw loo ke rang’t.

Nyanra Njekawkulege 15:13

Loo ke ei ebi’t tam tà ɓá baa, Jacques unn tà ke le’n tam ede nè: – Ngakonmge, uri mbi si ooi tà le’m ɓita.

Nyanra Njekawkulege 2:14

Ke loon’t nè kuwe, Pierre ɔse nang in nda dɔ se njékawkulege ke dɔg-gidé-karé. E tam tà se ndu’n ke bòi ede doobulege ede nè: – Sei Juipge se dooge malang ke i reei mba kêm ɓee-bò ke Jérusalem nga, uri mbi si maje ooi tà le’m.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 20:8

Kêm kei ke dè madege’t dɔ ke jè kebe nan tutu nga, lampege bule ase tà’t ndogói tutu kotong.

Nyanra Njekawkulege 4:13

Loo ke njégangtàge an-in titeke Pierre se Jean ndai kêm de káng tami tà kum ngonn ke dingem ɓaa, tà ige de sêl, tede kété d’an de ke dooge ke raikarè ke geri magtub lé. Dé ger de ke njémade-loo-kawge le Jésu ke kété.

Nyanra Njekawkulege 4:19

Nè Pierre se Jean ilei de dè’t edi nè: – Ké kile koje dè tà’t le si sei á maje dum kile koje dè tà’t le Nube wa? Sei kuwe i giri maje an-in.

1 Nje Ke Corinthe 15:7

Go’t gugu, è unde loo tee pan ke kum Jacques’t. Ndɔ ke rang, è unde loo tee pan ade njékawkulege malang an-in nin a tɔ.

Nje Ke Galatie 1:19

M’an doo ke rang dann njékawkulege’t lé, nè Jacques ngokon Kuwe-ɓee kuwe se kar’n á m’an’n.

Nje Ke Galatie 2:9

Jacques se Céphas se Jean ke ndɔ ke d’an de ke kage ngadann kei nga, loo ke an-in noje ke Nube uwe se’m ɓaa, ulei jikon de adi jè se Barnabas umi se jé nan’t bɔk. Gir’n ke nè á man se Barnabas jee’n njékaw kile mber Tà ke Maje kade njé ke ei Juipge lé, nè ei ɓaa ei njékaw kile mber Tà ke Maje kade Juipge tɔ.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

2 Jean 1:1

Man ngatɔge doo nga, m’ndang magtub nè m’adi i Kyria se ngannige. I nga i dinye ke d’undei se ninn’n gai. I se ngannige malang nga, m’tár sei kerɔte kuwe. E man á m’tár sei se kar’m lé, nè dooge malang ke geri ngarankum tà nga géa tári sei tɔ.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.