Nyanra Njekawkulege 1:11 - Nouveau Testament en Gulay 2004

¹¹ – Sei dooge ke ɓeekon ke Galilée, ké bain á i ndai an-in loo ke danrán sikm bè wa? Jésu nè ke d’unn’n dann si’t d’aw se’n danrán nga, ndɔ ke rang à tel ree kade an-in titeke an-in nin loo kin kaw’n danrán’t nè nga bè tɔ.

Nyanra Njekawkulege 1:11 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 24:30

Nyantɔjege le’m man ke m’ee Ngonn doo à teei kàde danran’t. E á girkoje dooge malang ke dè nang nè à undei de dai-dai se non. Girkoje dooge malang à an-in man ke m’ee Ngonn doo loo tel ree’t le’m dann kil’t le ndi se tɔgmong a, se ndubra a tɔ.

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Marc 13:26

Kerɔte kuwe, d’a d’an’m man Ngonn doo loo tel ree’t le’m dann bum’t se tɔgmong a, se riɓar a tɔ.

Marc 14:70

Mbɔr go’t gugu ɓaa, njé ke ndii se Pierre nan’t nga teli tami edi nè: – Loo naje’n goto, i géa i se dooge nè nga tɔ. Tede i géa, i doo ke ɓeekon ke Galilée. Tà tami tanan se le de tɔ.

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Tà ke Maje ke Luc ndang 21:27

D’a d’an’m man Ngonn doo loo tel ree’t le’m dann bum’t se tɔgmong a, se ndubra a tɔ.

Tà ke Maje ke Luc ndang 24:5

Ɓel unde dinyege nè ndàt gang de ade ulei dè de nang. Doo ke danránge joo ke Nube ule de nga deji de edi nè: – I sangi njèndi kumgajer dann njé ke koo’t lé.

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Nyanra Njekawkulege 1:2

sár tee’n kêm ndɔ ke Nube unn’n aw’n se’n danrán. Jésu unn ndu’n se go tɔgmong le Ndil-Kêmnda ade njékawkulege ke è tɔr de unde de se ninn de.

Nyanra Njekawkulege 1:22

Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.

Nyanra Njekawkulege 1:9

Loo ke è ede de tàge nè nga bè ɓá ɓaa, è in tàkum de’t aw danrán. Loo ke dé nda d’an goo’n sikm ɓaa, ke loon’t nè kuwe, bum utu dè’n lêt ade d’an’n lé sár.

Nyanra Njekawkulege 13:31

Go’t gugu ɓaa, Jésu unde’n loo tee pan ade njé ke ndɔ ke danni nin ɓeekon ke Galilée awi se’n kêm ɓee-bò ke Jérusalem an-in nin ndɔ bule. Dé nè nga kuwe á ɗarinè dé tel dé njékɔrgo tàge le’n kade kosdooge.

Nyanra Njekawkulege 2:7

Ndil de tee an-in soin-soin, tà ige de sêl ade d’ede nè: – An-in! dooge nè malang ke ndai à tami tà nè nga, ké ei dooge ke kêm ɓeekon ke Galilée nga lé wa?

Nyanra Njekawkulege 3:12

Nè loo ke Pierre an kosdooge ke reei ra de’t nè nga bè ɓaa, è deje de ede nè: – Sei dooge ke ɓeekon ke Israel, ké bain á adi ndil si tee an-in soin-soin dè njiye ke dɔgemete nè in njiye nga wa? Ké bain á adi kum si tò dè jé jè’t kakak titeke è tɔgmong le jé, éké kile koje dè Nube’t le jé á j’ade dɔgemete nè njiye’n wa? Ḿ-m̀, è jè lé.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

1 Nje Ke Thessalonique 1:10

Ɗarinè sei nginei Ngonn le Nube ke à in danran. Ngonn nè nga, è Jésu ke ndɔ ke Nube ade unde loo tee dann njé ke koo’t. Jésu à in danrán tel ree le kɔr jèi tà wong ke ndi à ree.

1 Nje Ke Thessalonique 4:16

Ndukunn à in ra Kuwe-ɓee’t kuwe. Loo ke ndu doo ke bò ke danrán à ɓar beng a, burunju le Nube à ɓar a tɔ. E Kuwe-ɓee kuwe à in danrán se ra’n le tel ree. Ke loon’t nè kuwe, njé ke undei kem̂ de dè Krist’t ke weii nga à undei loo teei pa ɓita.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.