Nyanra Njekawkulege 1:10 - Nouveau Testament en Gulay 2004

¹⁰ Loo ke Jésu in à aw ke danrán nga, njékawkulege an-in goo’n sikm. An! dingemge joo undei loo teei ndai se kubuge ke nda káng-káng ra de’t. Ei deji njékawkulege nga edi nè:

Nyanra Njekawkulege 1:10 ပူးပေါင်းရင်းမြစ်များ

Matthieu 17:2

Ke loon’t nè kuwe ra’n tel waks tàkum de’t. Tàkum’n ndoin kein-kein tite kàde a, kubuge ke rann’t tel nda káng-káng a, unji njai-njai tite lookar bè.

Matthieu 28:3

Ra’n ndoin tite ndi ke têl a, kubu ke rann’t nda káng-káng tite kew bè a tɔ.

Marc 16:5

Taɓai loo ke d’aw kêm bolè mbal ke dé son ɓaa, d’an ngonn basa karé. E ndi nang se ke dè jikon, è ule kubu ke ngal ke nda káng-káng rann’t. Loo ke d’an’n bè ɓaa, tà ige de sêl ade ndil de tee an-in soin-soin.

Tà ke Maje ke Luc ndang 24:4

Dé tel dé nda giw ɓaa, an! ke loon’t nè kuwe doo ke danránge joo ke Nube ule de undei loo teei hɔi ra de’t se kubuge ke ndoin kein-kein.

Jean 20:12

E an dooge ke danrán joo tulei kubu ke nda káng-káng ndii nang loo ke kété d’unde’n ninn Jésu tutu a, è ke karé ndi loo ke kété dè Jésu sɔbe tutu a, è ke karé ke rang ndi loo ke kété nja Jésu sɔbe tutu a tɔ.

Nyanra Njekawkulege 10:3

Ndɔ karé bè, ase kàde mute ke loo sɔlé, nyan pinde’n. Doo ke danran ke Nube ule’n aw goon’t kei ade an’n njai-njai. Doo ke danran le Nube nga ɓar Corneille ede nè: – Corneille!

Nyanra Njekawkulege 10:30

Corneille ede Pierre ede nè: – Ase ndɔ sɔ ɗarinè, se kade ke mute ke loo sɔlé tite made bè kuwe, m’ndi kêm kei le’m m’a m’ɔje tà se Nube. An! dingem karé bè ule kubu ke nda káng-káng unde loo tee pan nda nonm’t ede’m ede nè:

Lookilera’n 3:4

Nè né è bè géa, i aw se dooge ke nange kubu le de mite lé kem̂ ɓee-bò ke Sardes. Dooge nè nga à njiyei se kubuge ke nda tede asikum njiyei se’m kuwe.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.