Nje Ke Rome 13:2 - Nouveau Testament en Gulay 2004

² Gir’n ke nè á nanan ke ute ndukunnge le njèkonɓee mbeng ɓaa, è ndukunn le Nube kuwe á è ute mbeng. Dooge ke mbati kilei koje dè ndukunnge’t le njékonɓeege nga, Nube à gangtà dè de’t.

Nje Ke Rome 13:2 ပူးပေါင်းရင်းမြစ်များ

1 Pierre 2:13

Ulei dè si adi njékon sige malang ke dooge d’unde de dè si’t tite ngar-ɓeege éké njékonɓeege ke bò tede le Kuwe-ɓee.

Tite 3:1

Olé kem̂ njétaakem̂-Kristge malang le kade ulei dè de adi njékɔr non dege se njékonɓeege nga gar-gar. Olé kem̂ de le kade d’ile koje dè de’t a, le kade rai nyan ke maje se ndɔ karé-karé malang.

Jacques 3:1

Ngakonmge, è soo’t kade dooge bule teli ei njé ndó nyan made dege lé. Sei geri mbak titeke tà ke d’a gang dè jéi jèi njéndó nyan made jéige’t nga à tur ngain dum le dooge ke rang.

Nje Ke Rome 13:5

Gir’n ke nè á, maje kade ulei dè si adi njékonɓeege tede tà ke Nube à gang dè si’t kuwe go karé lé, nè tede tàgir le si ke kêm si’t ɔje dè nyan ke se dè naje’n nga kuwe.

Marc 12:40

Ei njé táa nyange le dinye ke njékei-kingege ndát-ndát a, ɔji tà se Nube adi kur de heb ɗak tede le libe’n kum dooge. Dé nè nga, ndɔ gangtà’t ɓaa, Nube à gangtà ke bòi dum madege dè de’t.

Tà ke Maje ke Luc ndang 20:47

Nè kêl karé dé njétoso kêm kei le njékei-kingege koto nyange le de ndát-ndát a tɔ. D’ɔje tà se Nube d’ade kur de heb ɗak le taa’n kum dooge. Dé nè nga tà ke d’a gang dè de’t ndɔ gangtà’t nga à dum dè le dooge ke rang malang.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Nje Ke Rome 9:19

Bainléa doo karé dann si’t à deje’m kede nè: «Né è titeke bè ɓaa, ké bain á Nube in se jéi dè ra majelé’t nga taɓai wa? Ké nan asekum kɔge’n dè ra nyan ke kêm’n ndige’t nga wa?»

Nje Ke Rome 13:1

Maje kade nanan géa ile koje dè ndukunnge’t le njékonɓeege ke d’unde de, tede gir konɓee ke nal kin ra Nube’t goto. Njékonɓeege ke d’unde de nga, è Nube kuwe á unde de.

Nje Ke Rome 13:3

Njé ke rai nyan maje nga à ɓeli njékonɓeege lé, nè njé ke rai majelé kuwe karé á à ɓeli njékonɓeege. Ke nè á i ndige ɓel njèkonɓee lé ɓaa, i ra nyan maje ɓaa njèkonɓee à unn tài.